Дзьюла Іеш

Дзьюла Іеш
Gyula Illyés
Асабістыя звесткі
Дата нараджэння	2 лістапада 1902(1902-11-02)[…]
Месца нараджэння	Sárszentlőrinc[d], Paks District[d], медзье Тольна[d], Каралеўства Венгрыя, Аўстра-Венгрыя
Дата смерці	15 красавіка 1983(1983-04-15)[…] (80 гадоў)
Месца смерці	Будапешт, Венгерская Народная Рэспубліка
Пахаванне	Фаркашрэці[d]
Грамадзянства	Венгрыя
Жонка	Flóra Kozmutza[d]
Альма-матар	Парыжскі ўніверсітэт
Месца працы	Nyugat[d]
Прафесійная дзейнасць
Род дзейнасці	паэт, пісьменнік, перакладчык
Грамадская дзейнасць
Партыя	Нацыянальная сялянская партыя, Венгрыя
Член у	Венгерская акадэмія навук Акадэмія электронная літаратуры[d]
Прэміі	Прэмія імя Кошута, Прэмія імя Атылы Ёжэфа, Прэмія імя Баўмгартэна
Узнагароды	прэмія імя Кошута (1948) прэмія Гердэра[d] (1970) прэмія «Спадчына Венгрыі»[d] (1997)
Медыяфайлы на Вікісховішчы

Дзью́ла І́еш (2 лістапада 1902, Фельшэрацэгрэшпуста, медзье Тольна — 15 красавіка 1983, Будапешт) — венгерскі паэт, пісьменнік і перакладчык, адзін з лідараў «народных пісьменнікаў» — рэалістычнага кірунку ў венгерскай літаратуры другой чвэрці XX стагоддзя.

У 1919—1926 гг. у эміграцыі. Вучыўся ў Сарбоне (Францыя).

Творчасць

Як паэт пачынаў пад уплывам экспрэсіянізму і сюррэалізму, паступова пераходзячы да рэалістычнага метаду. У 1950-1960-я гг. ў яго паэзіі ўзмацніліся экзістэнцыялісцкія тэндэнцыі. У творах Іеша праблемы нацыянальнай памяці, узаемадачынення гісторыі і сучаснасці, асобы і улады, індывідуальнага і народнага быцця: паэтычныя зборнікі «Цяжкая зямля» (1928), «Скошаныя шэрагі» (1930), «Пад лятучымі нябёсамі» (1935), «Гармонія сярод руін» (1937), «Гледзячы ў вочы» (1947), «Поціскі рук» (1956), «Нахілены ветразь» (1965), «Незакончаныя вершы» (1971), «Дзіўны тэстамент» (1977), шматлікія паэмы. Аўтар раманаў «Людзі пушты» (1936), «У ладдзі Карона, або Сімптомы старасці» (1969), «Пажы Беатрычэ» (1979); драм «Псіхааналітык» (1948), «Прыклад Азоры», «Полымя паходні» (абедзве 1952), «Фаварыт» (1963), «Чыстыя» (1969), «Усё ці нічога, або Два жыцці ці ніводнага» (1974) і інш.; дарожных нататак «Расія» (1935), біяграфічнай кнігі «Пецёфі» (1936), крытычных артыкулаў і інш.

Верш «Настылы дом» пераклаў на беларускую мову Сяргей Грахоўскі.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• На Вікісховішчы ёсць медыяфайлы па тэме Дзьюла Іеш
• Біяграфія на сайце праекта Венгерская літаратура Архівавана 15 кастрычніка 2015. (англ.)