Віктар Георгіевіч Гарачкін

Віктар Георгіевіч Гарачкін
Віктар Георгіевіч Гарачкін
	руск.: Виктор Георгиевич Горячкин
Дата нараджэння	29 сакавіка 1894
Месца нараджэння	Яраслаўль, Яраслаўская губерня, Расійская імперыя;
Дата смерці	9 красавіка 1962 (68 гадоў)
Месца пахавання	Увядзенскія могілкі[d];
Грамадзянства	Расійская імперыя; СССР;
Род дзейнасці	фізік
Навуковая сфера	фізіка торфу
Месца працы	Цвярскі дзяржаўны тэхнічны ўніверсітэт[d]; Маскоўская сельскагаспадарчая акадэмія імя К. А. Ціміразева; БНТУ;
Навуковая ступень	доктар тэхнічных навук
Навуковае званне	прафесар, член-карэспандэнт АН БССР
Альма-матар	Маскоўская сельскагаспадарчая акадэмія імя К. А. Ціміразева;

Дагледжаная версія гэтай старонкі, зацверджаная 28 верасня 2018, была заснавана на гэтай версіі.

Віктар Георгіевіч Гара́чкін (руск.: Виктор Георгиевич Горячкин; 29 сакавіка 1894, Яраслаўль — 9 красавіка 1962) — вучоны ў галіне тэхналогіі перапрацоўкі торфу, доктар тэхнічных навук (1954), прафесар (1934). Член-карэспандэнт Акадэміі навук БССР (1940).

Біяграфія

Нарадзіўся ў Яраслаўлі. У 1918 годзе скончыў інжынернае аддзяленне Пятроўскай сельскагаспадарчай акадэміі^[1]. У 1918—1920 гг. працавў загадчыкам гідратэхнічнага аддзялення Смаленскага губземаддзела, у 1921—1928 гг. загадчыкам гідратэхнічнага і тэхналагічнага аддзела НДІ тарфянога інстытута ў Маскве. Адначасова з 1922 года выкладчык у сельскагаспадарчай акадэміі, з 1926 года кансультант Інстытута прамысловасці і выкладчык у Беларускім політэхнічным інстытуце, з 1927 года выкладчык у Маскоўскай горнай акадэміі. у 1928—1930 гг. загадчык кафедрай эксплуатацыі тарфяных пакладаў Маскоўскай горнай акадэміі. З 1930 г. В. Г. Гарачкін у Маскоўскім тарфяным інстытуце — прафесар, загадчык кафедрай здабычы і сушкі торфу. У 1940 годзе абраны членам-карэспандэнтам Акадэміі навук БССР, у 1944 годзе прызначаны старшынёй ўрадавай камісіі па аднаўленню тарфяной прамысловасці БССР і адначасова выконваючым абавязкі загадчыка лабараторыяй здабычы Інстытута торфу Акадэміі навук БССР. У 1952—1956 гг. В. Г. Гарачкін на пасадзе старшага навуковага супрацоўніка Інстытута торфу АН БССР.

Памёр В. Г. Гарачкін 9 красавіка 1962 г. Пахаваны на Увядзенскіх могілках у Маскве.

Навуковая дзейнасць

В. Г. Гарачкіну належаць навуковыя працы па тэхналогіі тарфяной прамысловасці. Распрацаваў метады барацьбы з самазагараннем фрэзернага торфу. З’яўляецца аўтарам больш за 50 навуковых прац, 4 манаграфій, падручнікаў па тэхналогіі здабычы і сушкі торфу.

Сярод апублікаваных:

Основы проектирования торфяных хозяйств. — М., 1926.
Технология добычи и сушки торфа. 2 изд. — М.; Л., 1948.
Основы технологии торфяного производства. — М.; Л., 1953.

Узнагароды

Зноскі

↑ Сучасны Расійскі дзяржаўны аграрны ўніверсітэт — Маскоўская сельскагаспадарчая акадэмія імя К. А. Ціміразева

Літаратура

Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 52—53.

Спасылкі

[1] Сучасны Расійскі дзяржаўны аграрны ўніверсітэт — Маскоўская сельскагаспадарчая акадэмія імя К. А. Ціміразева

[1]