Гіяцынт Альхімовіч

Гіяцынт Альхімовіч
польск.: Hiacynt Alchimowicz фр.: Hyacinthe Alchimowicz
Дата нараджэння	11 верасня 1841(1841-09-11)
Месца нараджэння	Дэмбрава, Лідскі павет, Гродзенская губерня, Літоўскае генерал-губернатарства, Расійская імперыя
Дата смерці	пасля 1897
Месца смерці	Францыя
Грамадзянства	Расійская імперыя  Польшча  Францыя
Род дзейнасці	мастак
Жанр	жывапіс
Вучоба	Віленская гімназія
Мастацкі кірунак	класіцызм
Уплыў	Канут Русецкі
Узнагароды	Афіцэр ордэна Акадэмічных пальмаў
Медыяфайлы на Вікісховішчы

«Паенне асла» і «Малочніца» Г. Альхімовіча

Гіяцынт Альхімовіч (фр.: Hiacynt/Hyacinthe Alchimowicz; 1 верасня 1841, в. Дзембрава (Дубрава) Лідскага павета, цяпер Шчучынскі раён — пасля 1897, Францыя) — мастак.

Нарадзіўся ў шляхецкай сям'і, малодшы брат Казіміра Альхімовіча. Скончыў Віленскую гімназію, дзе між іншым атрымаў пачатковую мастацкую адукацыю. На мастацкае станаўленне Г. Альхімовіча аказала моцны ўплыў творчасць вядомага віленскага мастака Канута Русецкага. Разам з братам удзельнічаў у паўстанні 1863—1864 г., пасля паўстання эміграваў у Францыю, дзе жыў у Перпіньяне. Пазней пераехаў у Парыж, дзе пазнаёміўся з Міхалам Андрыёлі.

У 1876 годзе ён быў прызначаны прафесарам малявання ў сярэдняй школе ў Перпіньяне, затым у прафесійна-тэхнічным вучылішчы і вышэйшай жаночай школе. За сваю працу ён быў узнагароджаны ў 1892 годзе французскім ордэнам «Officier d'Académie».

Ён удзельнічаў у шматлікіх выстаўках жывапісу ў Францыі, дзе ён жыў да смерці.

Літаратура

• Бібікава А. Зорка Казіміра Альхімовіча: (аб творчасці беларускага мастака) / Ала Бібікава // Милицейский вестник: еженедельная газета УВД Гродненского облисполкома / учредитель: УВД Гродненского облисполкома. — 2006. — 26 окт. (№ 43). — С. 12.