Баляслаў Рычардавіч Брэжга
Баляслаў Рычардавіч Брэ́жга | |
---|---|
Дата нараджэння | 31 сакавіка (12 красавіка) 1887[1] |
Месца нараджэння | |
Дата смерці | 30 верасня 1957[1] (70 гадоў) |
Месца смерці | |
Месца пахавання | |
Грамадзянства | |
Род дзейнасці | гісторык, палітык, археолаг, археограф, палеограф, філолаг |
Навуковая сфера | гісторыя |
Месца працы | |
Навуковая ступень | доктар гістарычных навук |
Навуковае званне | прафесар |
Альма-матар |
|
Медыяфайлы на Вікісховішчы |
Баляслаў Рычардавіч Брэ́жга (31 сакавіка (12 красавіка) 1887 — 30 верасня 1957) — гісторык, археолаг, археограф, палеограф, філолаг. Доктар гісторыі (1933). Прафесар і прарэктар Маскоўскага археалагічнага інстытута (1918—1925). Прафесар Латвійскага ўніверсітэта.
Б. Р. Брэжга нарадзіўся ў Рэжыцкім павеце Віцебскай губерні. У 1910 годзе скончыў экстэрнам Віцебскую гімназію і паступіў на вучобу ў Маскоўскі археалагічны інстытут, які скончыў у 1916 годзе. З 1918 года Б. Р. Брэжга ў Віцебску, загадчык Віцебскага аддзялення Маскоўскага археалагічнага інстытута і з 1922 г. супрацоўнік Віцебскага губернскага архіва.
З 1922 года жыў у Латвіі. Прафесар Латвійскага універсітэта, у 1946—1957 гг. супрацоўнік Інстытута гісторыі і матэрыяльнай культуры АН Латвійскай ССР.
Памёр 30 верасня 1957 г. у Рызе, пахаваны там жа.
Навуковая дзейнасць
Б. Р. Брэжга вывучаў гісторыю сувязей Беларусі і Латвіі, гісторыю паўстання 1863—1864 гадоў на Віцебшчыне. Таксама займаўся вывучэннем дагаворных грамат Рыгі і Полацка, склаў бібліяграфію па гісторыі Беларусі, збіраў матэрыялы для параўнальнага аналізу беларускай мовы і латгальскага дыялекту. Аўтар больш за 120 друкаваных навуковых прац (каля 30 з іх прысвечаны гісторыі Віцебска і Полацка).
Сярод друкаваных прац:
- Архівы і архіўная праца ў Віцебшчыне, 1925;
- Адносіны палачан і латышоў у VIII—XVIII стст., 1926;
- Замкі Віцебшчыны, 1933;
- Нарысы па гісторыі сялянскіх рухаў у Латгаліі 1577—1907, 1956
і інш.
Зноскі
- ↑ а б Deutsche Nationalbibliothek Агульны нарматыўны кантроль — 2012—2016. Праверана 15 кастрычніка 2015.
- ↑ Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.
Літаратура
- Памяць: Гіст.-дакументальная хроніка Віцебска: У 2-х кн. Кн. 2-я / Рэд. кал.: Г. П. Пашкоў (гал. рэд.) і інш.. — Мн.: БелЭн, 2003. — 680 с. — 5 000 экз. — ISBN 985-11-0257-1.
- Беларусь: Энцыклапедычны даведнік / Рэдкал.: Б. І. Сачанка і інш. — Мн.: БелЭн, 1995. — 800 с. — 5 000 экз. — ISBN 985-11-0026-9.
- Міхаіл Пішчулёнак. Віцебшчына архіўная. // Беларусі гістарычны часопіс, № 4, 2002 г.
- Нарадзіліся 12 красавіка
- Нарадзіліся ў 1887 годзе
- Нарадзіліся ў Рэжыцкім павеце
- Памерлі 30 верасня
- Памерлі ў 1957 годзе
- Памерлі ў Рызе
- Пахаваныя ў Рызе
- Выкладчыкі Віцебскага аддзялення Маскоўскага археалагічнага інстытута
- Выкладчыкі Латвійскага ўніверсітэта
- Дактары гістарычных навук
- Выпускнікі Віцебскай мужчынскай гімназіі
- Выпускнікі Маскоўскага археалагічнага інстытута
- Асобы
- Вучоныя паводле алфавіта
- Археолагі Беларусі
- Філолагі Беларусі