Курган Дружбы
| Помнік | |
| Курган Дружбы | |
|---|---|
 | |
| 56°10′16″ пн. ш. 28°09′05″ у. д.HGЯO | |
| Краіна | |
| Месцазнаходжанне | на стыку граніц Беларусі, Расіі, Латвіі |
| Архітэктар | Л. Брэль, В. Гразноў, С. Капроў, Я. Кавалеўскі, Л. Хаюцін |
| Дата пабудовы | 1959 год |
| Статус |
 Аб’ект культурнай спадчыны РФ № 6010333000 |
 |
|
 Медыяфайлы на Вікісховішчы | |
Курган Дружбы (лат.: Draudzības kurgāns, руск.: Курган Дружбы) — манумент на стыку граніц Латвіі, Расіі і Беларусі, за 5 км на поўнач ад в. Прошкі.
Насыпаны ў 1959 г. (адкрыты 3 ліпеня 1959 г.) на тэрыторыі Латвіі ў памяць баявой садружнасці партызан Беларусі, Латвіі і Расійскай Федэрацыі[1]. Аўтары комплексу — архітэктары Л. Брэль, В. Гразноў, С. Капроў, Я. Кавалеўскі, Л. Хаюцін[2]. Ад Кургана пракладзены 3 алеі: у бок Беларусі абсаджана бярозамі, Расійскай Федэрацыі — клёнамі, Латвіі — ліпамі. На вяршыні Кургапа расце дуб — сімвал непарушнай дружбы братніх рэспублік. Побач з Курганом пастаўлены памятныя знакі ў гонар Прошкаўскай падпольнай камсамольскай арганізацыі (на беларускім баку), Героя Савецкага Саюза Іманта Янавіча Судмаліса (на латышскім баку) і сакратара Себежскага паднольнага райкома камсамола Марыі Сілівестраўны Пынты (на расійскім баку)[1].
Штогод у першую нядзелю ліпеня па Кургане Дружбы праводзіліся масавыя ўрачыстасці — традыцыйныя сустрэчы працоўных, былых воінаў і партызан 3 братніх рэспублік — РСФСР, Латвіі і Беларусі[1].
Зноскі
- ↑ а б в Т. Р. Чуракова. 685. Курган Дружбы // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.
- ↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
Літаратура
- Т. Р. Чуракова. 685. Курган Дружбы // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл.