Інстытут матэматыкі і кібернетыкі

З пляцоўкі Вікіпедыя
Jump to navigation Jump to search

Інстытут матэматыкі і кібернетыкі (ІМК) — рэспубліканскае грамадскае аб’яднанне ў Беларусі. Пазіцыянуе сябе як нацыянальная беларуская прафесійная асацыяцыя кібернетыкаў і матэматыкаў.

Дзейнічае як:

  • даследчы навуковы інстытут;
  • навуковае таварыства;
  • асветнае таварыства.

Створаны ў 1997. Першы дырэктар — Святлана Іванаўна Новікава.

Інстытут матэматыкі і кібернетыкі мае на мэце:

  • развіццё ў Беларусі матэматыкі, кібернетыкі і тэорыі сістэм,
  • удасканаленне вядомых і стварэнне новых матэматычных і кібернетычных тэорый і тэхналогій,
  • узмацненне іх сувязі з усімі кірункамі навукі, канструявання і асветы; мовай; мастацтвам; грамадствам, грамадамі і суполкамі; вытворчасцю; насельніцтвам; прыроднымі сістэмамі.

Склад: больш 70 сяброў. У Інстытуце адначасна працуе да 5 даследчых груп.[Крыніца?]

У 1995—2001 Інстытут удзельнічаў у еўрапейскіх праектах стварэння сетак узаемадзеяння навукі і вытворчасці ISIMS-NOE і AMETMAS-NOE. Напрацоўкі Інстытута пакладееныя ў аснову праектаў Grid.[Крыніца?]

У 2014-17 Інстытут ініцыяваў і падтрымлвіаў міжнародную навучальную праграму «Інфарматыка» па падрыхтоўцы праграмістаў на беларускай мове ў замежных універсітэтах. Партнёрства ажыццяўляецца з Міжнародным эканамічна-гуманітарным універсітэтам імя акадэміка Сцяпана Дзем'янчука(укр.) бел. ў Роўне (Украіна), там беларускамоўныя праграмісты вучацца асобнай плынню[1]. На праграму зроблена тры наборы. Першыя выпуск праграмы мае атрымаць дыпломы ў канцы 2018/19 навучальнага году.

У 2017 годзе Дэпартамент фінансавых раследаванняў распачаў праверку дзейнасці грамадскага інстытута. Афіцыйна паведамлялася, што дырэктар Павел Бука і сябра інстытута Зміцер Канаплянікаў з’яўляюцца падазраванымі ў незаконнаым прадпрымальніцтве[2].

Зноскі