Юзаф Генрык Борх

Юзаф Генрык Борх
Тры Каўкі[d]
пасол на Сойм Рэчы Паспалітай[d]
староста люцынскі[d]
маршалак шляхты Віцебскай губерні 1805 — 1809
Нараджэнне	1751 ці 1764
Смерць	1835
Род	Борхі
Бацька	Ян Анджэй Борх
Маці	Луіза з Зыбергаў[d]
Жонка	Ганна з Багамольцаў[d]
Дзеці	Міхал Борх і Соф’я з Борхаў[d]
Узнагароды

Юзаф Генрык Борх (польск.: Józef Henryk Borch; 1764 — 1835) — ураднік Вялікага Княства Літоўскага.

Біяграфія

Паходзіў са шляхецкага роду Борхаў герба «Тры каўкі». Нарадзіўся ў сям’і Яна Енджэя Юзафа.

Палкоўнік кароннага войска, шамбялян караля Станіслава Аўгуста Панятоўскага. Пасол на Чатырохгадовы сойм 1788—1792 гадоў.

У 1805—1809 гадах маршалак шляхты Віцебскай губерні. Стацкі саветнік. У 1812 годзе прызначаны Напалеонам членам адміністрацыйнай камісіі Віцебска, а браты жонкі Рамуальд і Станіслаў Багамольцы сталі адпаведна бургамістрам Віцебска і субпрэфектам (главой) Віцебскага павета. Пасля вайны зняволены, сасланы ў Петразаводск, пазней амнісціраваны.

Узнагароды

Узнагароджаны ордэнам Св. Станіслава.

Сям’я

«Партрэт Ганны з Багамольцаў Борх з шасцю дзецьмі». Юзаф Пешка, 1806—1807.

У шлюбе з Ганнай з Багамольцаў, дачкой Пятра Тадэвуша Багамольца і Элеаноры з Вышынскіх. Дзеці:

• Соф’я (1796—1840), у шлюбе з Марцінам Карніцкім, віцебскім губернскім маршалкам.
• Элеанора (нар. каля 1800), у шлюбе з Тыманам.
• Эліза (нар. каля 1800), у шлюбе з Аўгустам Сакалоўскім.
• Аляксандра (нар. каля 1800), у шлюбе з Грынцевічам.
• Міхал (1806—1881), пісьменнік, гісторык, бібліяфіл. У шлюбе з Марыяй з Корсакаў.

Літаратура

• Валерый Пазднякоў. Борхі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.
• Валерый Пазднякоў. Борхі // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.