Іосіф Ігнатавіч Мацюкевіч

Іосіф Ігнатавіч Мацюкевіч
Дата нараджэння	26 верасня 1890(1890-09-26)
Месца нараджэння	Гернікі, Рагатнянская воласць[d], Слонімскі павет, Гродзенская губерня, Літоўскае генерал-губернатарства, Расійская імперыя
Дата смерці	16 верасня 1938(1938-09-16) (47 гадоў)
Месца смерці	НКУС Менска[d], Менск, Менская вобласць, БССР, СССР
Род дзейнасці	мовазнавец
Месца працы	Інстытут мовазнаўства НАНБ
Альма-матар	БДУ

Іосіф Ігнатавіч Мацюке́віч (26 верасня 1890, в. Гернікі Гродзенская губерні, Расійская імперыя, цяпер Дзятлаўскі раён Гродзенскай вобласці — 16 верасня 1938, Менск, турма НКУС) — беларускі мовазнавец.

Біяграфія

Скончыў БДУ. З кастрычніка 1930 года вучоны сакратар, з ліпеня 1930 — намеснік дырэктара Інстытута мовазнаўства БелАН. Прымаў удзел у рэфармаванні беларускага правапісу.

31 кастрычніка 1933 года арыштаваны ДПУ БССР па справе Беларускага нацыянальнага цэнтра. Пастановай пазасудовага органа 9 верасня 1934 года прысуджаны да 5 гадоў папраўча-працоўных лагераў. 2 ліпеня 1938 года Ваеннай калегіяй Вярхоўнага суда СССР прысуджаны да расстрэлу. Расстраляны ў Мінску, у турме НКУС (цяпер СІЗА КДБ). Па першым прысудзе рэабілітаваны 16 жніўня 1956, па другім — 21 лістапада 1956 года.

Літаратура

• Мацюкевіч Іосіф Ігнатавіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 2 / Укладальнік Л. У. Маракоў. — Смаленск, 2003.