Ісак Аронавіч Давідовіч

Ісак Аронавіч Давідовіч
Дата нараджэння	4 снежня 1911(1911-12-04)
Месца нараджэння	Бабруйск, Бабруйскі павет, Мінская губерня, Расійская імперыя
Дата смерці	5 снежня 1993(1993-12-05) (82 гады)
Месца смерці	Мінск, Беларусь
Грамадзянства	Расійская імперыя  СССР  Беларусь
Род дзейнасці	мастак
Жанр	батальны жанр
Вучоба	Беларускі дзяржаўны мастацкі тэхнікум (1930)
Мастацкі кірунак	сацрэалізм
Уплыў	Міхаіл Георгіевіч Эндэ і Вячаслаў Мікалаевіч Руцай
Член у	Беларускі саюз мастакоў ()
Медыяфайлы на Вікісховішчы

Ісак Аронавіч Давідовіч (4 снежня 1911, Бабруйск — 5 снежня 1993, Мінск) — беларускі жывапісец і графік. Працаваў у станковым і манументальна-дэкаратыўным жывапісе, станковай і кніжнай графіцы. Удзельнік Вялікай Айчыннай вайны.

Біяграфія

Мастацкая капэрта Белпошты 2001 года з рэпрадукцыяй карціны І. А. Давідовіча і Я. М. Ціхановіча «Свята Перамогі. 1964»

Нарадзіўся 4 снежня 1911 года ў Бабруйску ў яўрэйскай сям’і. З 1927 па 1930 год вучыўся ў Віцебскім мастацкім тэхнікуме ў выкладчыкаў М. Г. Эндэ і В. М. Руцая. Дыпломная праца — карціна «На лесараспрацоўках»..

У 1932 годзе працаваў мастаком у кааператыве «Мастак». Быў арыштаваны 3 лістапада 1932 года. Асуджаны Асобай нарадай пры Калегіі ДПУ 15 сакавіка 1933 года па артыкуле 58 пп. 10, 11 Крымінальнага кодэксу РСФСР за антысавецкую агітацыю да тэрміну папярэдняга зняволення і ў той жа дзень вызвалены. Рэабілітаваны пракуратурай БССР 31 мая 1989 года.

Член Беларускага саюза мастакоў з 1932 года.

Памёр 5 снежня 1993 года ў Мінску.

Творчасць

З 1934 года прымаў удзел у мастацкіх выставах. Працаваў у галіне станковага і манументальна-дэкаратыўнага жывапісу, а таксама ў станковай і кніжнай графіцы, маляваў ілюстрацыі і плакаты.

Сярод манументальных твораў — роспіс плафона «Дружба народаў» Беларускага рэспубліканскага тэатра юнага гледача (1955, з Іванам Ахрэмчыкам), пано «Беларускія народныя майстры» ў канферэнц-зале Беларускага таварыства дружбы і культурнай сувязі з замежнымі дзяржавамі (1956, з Іванам Ахрэмчыкам). Сярод твораў у кніжнай графіцы — «Апавяданні» З. Бядулі (1947), «Ехаў казачнік Бай» (1955) і «Казкі. Легенды» М. Танка, «Людзі на балоце» Івана Мележа.

Творы жывапісу

• «Карагод» (1937)
• «Курлоўскі расстрэл» (1939)
• «Партызаны на прывале» (1948)
• «Маці» (1954)
• «Наша будучае сяло» (1961)
• «Паміж баямі» (1965)
• «Нарачанская быль» (1967)
• «Першадрукар Францыск Скарына» (1968)
• «Хакеісты» (1975)
• «Солдаты рэвалюцыі» (1977)

Літаратура

• П. В. Масленікаў. Давідовіч Ісак Аронавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 563. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• http://www.beljews.info/Davidovich.htm Архівавана 23 верасня 2015.
• Ісак Аронавіч Давідовіч на сайце анлайн-энцыклапедыі «Беларусь у асобах і падзеях»