Ірына Дзянісаўна Дзідзічэнка

Ірына Дзянісаўна Дзідзічэнка
Дата нараджэння	22 жніўня 1936(1936-08-22) (89 гадоў)
Месца нараджэння	Ленінград, РСФСР, СССР
Адукацыя	Ленінградскае харэаграфічнае вучылішча імя А. Я. Ваганавай (1955)
Прафесія	балерына
Тэатр	Чалябінскі дзяржаўны акадэмічны тэатр оперы і балета імя М. І. Глінкі[d] Новасібірскі тэатр оперы і балета Нацыянальны акадэмічны Вялікі тэатр оперы і балета Рэспублікі Беларусь
Узнагароды

Ірына Дзянісаўна Дзідзічэнка (22 жніўня 1936, Санкт-Пецярбург) — савецкая і беларуская артыстка балета. Заслужаная артыстка БССР (1964).

Біяграфія

У 1955 годзе скончыла Ленінградскае харэаграфічнае вучылішча. Вучылася ў класе Л. М. Цюнцінай.

Працавала ў тэатрах оперы і балета Чалябінска і Новасібірска. У 1959—1975 салістка Дзяржаўнага тэатра оперы і балета Беларусі.

Валодаючы выразнай пластыкай, моцным сцэнічным тэмпераментам, Дзідзічэнка паказала сябе яркай характарнай танцоўшчыцай.

Сярод яе работ: партыі Мадэрнісцкай танцоўшчыцы, Карчмаркі («Мара» і «Выбранніца» Я. Глебава), Марты («Святло і цені» Г. Вагнера), Мерседэс і Вулічнай танцоўшчыцы («Дон Кіхот» Л. Мінкуса), Анітры («Пер Гюнт» на музыку Э. Грыга), Каляровай дзяўчыны («Сцежкаю грому» К. Караева), Феі Карабос («Спячая прыгажуня» П. Чайкоўскага); індускі танец («Баядэрка» Л. Мінкуса), іспанскі, венгерскі («Лебядзінае возера» П. Чайкоўскага), сарацынскі («Раймонда» А. Глазунова), іспанскі танец, мазурка («Папялушка» С. Пракоф’ева), кракавяк («Бахчысарайскі фантан» Б. Асаф’ева), гадзітанскі, этрускі танцы («Спартак» А. Хачатурана); характарныя танцы ў операх «Князь Ігар» А. Барадзіна, «Хаваншчына» М. Мусаргскага, «Кармэн» Ж. Бізэ.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).
• Ірына Дзянісаўна Дзідзічэнка // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2002. — Т. 1. — 565 с. — 4 000 экз. — ISBN 985-11-0255-5.
• Балет: энциклопедия. / Гл. ред. Ю. Н. Григорович.- М.: Советская энциклопедия, 1981.- 623 стр. с илл.