Абу-Бекір Юх’янавіч Шабановіч

Абу Бекір Шабановіч
2-і Муфтый Мусульманскага рэлігійнага аб’яднання ў Рэспубліцы Беларусь[d] з 2005
Папярэднік	Ісмаіл Мустафавіч Александровіч
Нараджэнне	22 лістапада 1939(1939-11-22) (84 гады) Іўе, Гміна Іўе[d], Ашмянскі павет[…]
Нацыянальнасць	беларускі татарын
Веравызнанне	іслам
Адукацыя	БДУ БДУФК
Месца працы	Мусульманскае рэлігійнае аб'яднанне ў Рэспубліцы Беларусь[d]

Абу-Бекір Юх’янавіч Шабановіч (нар. 22 лістапада 1939, недалёка ад Іўя, цяпер Беларусь) — мусульманскі рэлігійны і татарскі культурны дзеяч Рэспублікі Беларусь, выкладчык.

Біяграфія

У дзяцінстве 4 гады вывучаў іслам у Іўеўскай мячэці. Пасля сканчэння ВНУ працаваў настаўнікам гісторыі і фізкультуры. Быў пераведзены на працу ў ідэалагічны аддзел Мінскага абкама КПБ. Пасля працаваў дырэктарам СШ № 65 імя Героя Савецкага Саюза Б. Акрэсціна г. Мінска.

Браў актыўны ўдзел у ісламскім рэлігійным і татарскім культурным руху, узначальваў «Беларускае грамадскае аб’яднанне татараў „Зікр уль-Кітаб“». У 2005 годзе на 6-м пазачарговым з’ездзе Мусульманскага рэлігійнага аб’яднання Беларусі быў абраны яго старшынёй (муфтыем).

У 2006 годзе абвінаваціў газету «Згода», якая перадрукавала карыкатуры на прарока Мухамеда, у знявазе пачуццяў вернікаў і палітычнай правакацыі, аднак выступіў супраць зняволення рэдактара газеты Аляксандра Здвіжкова.

Спасылкі

• Три жизни муфтия Абу-Бекира(недаступная спасылка)
• Новы беларускі муфтый не бачыць праблем у адносінах з уладамі
• В Белоруссии возбудили уголовное дело против газеты в связи с публикацией карикатур на пророка Мухаммеда Архівавана 29 чэрвеня 2008.