Ага

З Вікіпедыі, свабоднай энцыклапедыі
Ага
Навуковая класіфікацыя
Міжнародная навуковая назва

Bufo marinus Linnaeus, 1758


Сістэматыка
на Віківідах

Выявы
на Вікісховішчы
ITIS  173489
NCBI  8386
EOL  333309

А́га (Bufo marinus) — адна з самых буйных рапух. Сустракаецца ў Паўднёвай і Цэнтральнай Амерыкі.

Апісанне[правіць | правіць зыходнік]

Даўжыня яе цела да 25 см (звычайна 15-17 см), вага — больш за кілаграм. Самцы крыху драбнейшыя за самак. Скура агі моцна арагавелая, папілонападобная. Афарбоўка някідкая: зверху цёмна-бурая або шэрая з вялікімі цёмнымі плямамі; чэрава жаўтаватае, з частымі бурыми плямінкамі. Характэрныя вялікія калявушныя залозы па баках галавы, якія выпрацоўваюць атрутны сакрэт, і касцяныя надвочныя грабяні. Скураныя перапонкі ёсць толькі на задніх лапах. Мае найбольш развітыя сярод земнаводных лёгкія.

Асаблівасці біялогіі[правіць | правіць зыходнік]

Актыўная ноччу. Вельмі пражэрлівая: корміцца насякомымі, малюскамі і іншымі дробнымі жывёламі.

Самка адкладвае да 35 тыс. ікрынак.

Выкарыстанне чалавекам[правіць | правіць зыходнік]

Разводзяць для знішчэння шкоднікаў на плантацыях цукровага трыснягу, за­везена ў Вест-Індыю, Аўстралію, Япо­нію, на Гавайскія астравы, Но­вую Гвінею, Тайвань, Філіпіны і інш.

Атрутнымі выдзяленнямі скурных залоз агі змазваюць наканечнікі стрэл.

Літаратура[правіць | правіць зыходнік]