Аднадомныя расліны

Кветкі кавуна — аднадомнай расліны: Зверху — кветаносны парастак мужчынскай расліны. Ніжэй — кветаносны парастак жаночай расліны

Аднадо́мныя раслі́ны, або манагамныя расліны — расліны, у якіх аднаполыя кветкі — мужчынскія (тычынкавыя) і жаночыя (песцікавыя) або іншыя мужчынскія і жаночыя органы размнажэння (у някветкавых раслін) знаходзяцца на адной расліне. Напрыклад, дрэўныя расліны — бяроза, ляшчына, дуб, сасна, елка; травяністыя — кукуруза, агуркі, гарбузовыя; многія імхі, водарасці.

Гл. таксама

• Двухдомныя расліны
• Шматдомныя расліны

Літаратура

• Аднадомныя расліны // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).