Саюз ваяводзінскіх венграў
| Саюз ваяводзінскіх венграў | |
|---|---|
 | |
| Лідар | Іштван Пастар |
| Заснавальнік | Ёжэф Каса[d] |
| Дата заснавання | 18 чэрвеня 1994 |
| Штаб-кватэра | |
| Краіна | |
| Ідэалогія | рэгіяналізм[d], аўтанамізм[d], праеўрапеізм[d], правы меншасцей[d] і кансерватызм |
| Інтэрнацыянал | |
| Сайт | vmsz.org.rs |
 Медыяфайлы на Вікісховішчы | |
Саюз ваяводзінскіх венграў (сербск.: Савез војвођанских Мађара/Savez vojvođanskih Mađara; венг.: Vajdasági Magyar Szövetség) — рэгіянальная палітычная партыя ў Сербіі, якія прадстаўляе інтарэсы венгерскай меншасці ў краіне.
Гісторыя[правіць | правіць зыходнік]
Партыя паўстала ў 1994 годзе ў горадзе Сенце Ёжэфам Касам і былымі сябрамі Дэмакратычнай супольнасці ваяводзінскіх венграў спачатку як грамадзянская група. Партыяй жа аб’яднанне стала ў 1995 годзе[1]. Саюз браў удзел у парламенцкіх выбарах 1997 года, на якіх партыя атрымала 1,23 % галасоў і 4 месцы ў Скупшчыну[2]. У пачатку 2000 года партыя ўвайшла ў кааліцыю Дэмакратычнай апазіцыі Сербіі, дзеля барацьбы на выбарах супраць дзейнага прэзідэнта Слабадана Мілошавіча.
З пачатку 2000-х партыя патрабуе стварэнне Венгерскай рэгіянальнай аўтаноміі на поўначы Ваяводзіны. На дзяржаўным узроўні партыя часта не праходзіла ў парламент альбо атрымлівала там няшмат месцаў. На парламенцкіх выбарах у парламент Ваяводзіны 2004 года партыя здабыла 8,5 % галасоў, а таксама дамаглася перамог на выбарах у муніцыпальныя рады ў Субаціцы, Сенце, Бачка-Топалы, Малі-Іджашы, Каніжы, Чоцы. У 2008 годзе кіраўніком партыі быў абраны Іштван Пастар. Ад парламенцкіх выбараў 2014 года партыя падтрымлівае правячую Сербскую прагрэсіўную партыю.
Ідэалогія[правіць | правіць зыходнік]
Акрамя падтрымкі інтарэсаў венгерскай меншасці[3], Саюз ваяводзінскіх венграў таксама кіруецца кансерватыўнай ідэалогіяй[4], а таксама падтрымлівае рэгіяналізм[5][6]. У замежнай палітыцы аб’яднанне мае празаходні вектар і падтрымлівае далучэнне Сербіі да Еўрапейскага Саюза і НАТА[7]. Партыя лічылася сацыяльна-дэмакратычнай да 2010 года, але пасля пачала супрацу з Сербскай прагрэсіўнай партыяй і венгерскім Фідэсам[8].
Зноскі
- ↑ «Lik i delo: Jožef Kasa»(недаступная спасылка). Vreme.
- ↑ «Izbori 1997: Bojkot dela opozicije, Šešelj i Vučić na vlasti sa socijalistima». N1.
- ↑ Nordsieck, Wolfram (2020). «Vojvodina/Serbia» Архівавана 27 сакавіка 2023.. Parties and Elections in Europe.
- ↑ Losoncz, Alpár (24.05.2015). «Nem a liberalizmus tizedeli a kisebbségi magyarokat». Napló.
- ↑ Florian Bieber; Jenni Winterhagen (2006). «Ethnic Violence in Vojvodina: Glitch or Harbinger of Conflicts to Come?». European Centre for Minority Issues. — С. 29.
- ↑ Kleibrink, Alexander (2015). «Political elites and decentralization reforms in the post-socialist Balkans: regional patronage networks in Serbia and Croatia». Houndmills, Basingstoke, Hampshire. — ISBN 978-1-137-49572-3.
- ↑ Jansen, Thomas; Van Hecke, Steven (2011). «At Europe’s Service: The Origins and Evolution of the European People’s Party». Springer Science & Business Media. — С. 384. — ISBN 9783642194146.
- ↑ Živanović, Maja (8.04.2019). «Fidesz’s Serbian Sister-Party to Campaign for Hungary’s Orban». Balkan Insight.