Аляксандр Казіміравіч Авяр’янаў

Аляксандр Авяр’янаў
Аляксандр Авяр’янаў
Надзвычайны і паўнамоцны пасол РБ у Польшчы
	11 лютага 2014 — 12 лютага 2019
Прэзідэнт	Аляксандр Лукашэнка
Кіраўнік урада	Андрэй Кабякоў; Сяргей Румас
Папярэднік	Віктар Гайсёнак
Пераемнік	Уладзімір Чушаў
Нараджэнне	17 студзеня 1955 (69 гадоў); Калінінград, Калінінградская вобласць, РСФСР, СССР;
Дзеці	сын
Адукацыя	БНТУ; Мінскі дзяржаўны лінгвістычны ўніверсітэт; Акадэмія кіравання пры Прэзідэнце Рэспублікі Беларусь;
Узнагароды

Авяр’янаў Аляксандр Казіміравіч (нарадзіўся 17 студзеня 1955 года ў г. Калінінград РСФСР) — беларускі дзяржаўны дзеяч, дыпламат. У 2014—2019 гадах надзвычайны і паўнамоцны пасол Рэспублікі Беларусь у Рэспубліцы Польшча.

Біяграфія

У 1977 годзе скончыў Беларускі політэхнічны інстытут па спецыяльнасці «Электрычныя сістэмы», у 1997 годзе — Мінскі дзяржаўны лінгвістычны універсітэт, кафедра замежных моў для спецыялізаваных дзяржаўных служачых, у 2000 годзе з адзнакай скончыў Акадэмію кіравання Прэзідэнта Рэспублікі Беларусь па спецыяльнасці «Сусветная эканоміка і міжнародныя эканамічныя адносіны».

З 1977 г. да 1993 г. — працаваў на розных інжынерныхпасадах у інстытуце «Белэнергасецьпраект».

З 1993 г. да 1994 г. — намеснік начальніка аддзела перспектыўнага развіцця ў Міністэрстве энергетыкі Рэспублікі Беларусь.

З 1994 г. да 2004 г. — намеснік начальніка Дэпартамента, начальнік Дэпартамента знешнеэканамічнай дзейнасці і міжнароднага супрацоўніцтва, начальнік Галоўнага ўпраўлення міжнароднага супрацоўніцтва і гандлю ў апараце Савета Міністраў Рэспублікі Беларусь.

Са студзеня 2004 г. да лістапада 2004 г. — намеснік начальніка Дэпартамента Расіі і Саюзнай дзяржавы Міністэрства замежных спраў Рэспублікі Беларусь.

З 2004 г. да 2009 г. — кіраўнік гандлёва-эканамічнай службы Пасольства Рэспублікі Беларусь у Рэспубліцы Польшча.

З 2009 г. да 2013 г. — намеснік дырэктара Дэпартамента, дырэктар Дэпартамента знешнеэканамічнай дзейнасці Міністэрства замежных спраў Рэспублікі Беларусь.

З 3 снежня 2013 да 12 лютага 2019 года — Надзвычайны і Паўнамоцны пасол Рэспублікі Беларусь у Рэспубліцы Польшча^[1]^[2], даверчыя граматы ўручыў 11 лютага 2014 года^[3].

Сям’я

Жанаты, мае сына.

Зноскі

↑ Александр Лукашенко рассмотрел кадровые вопросы (руск.)
↑ Указ Прэзідэнта Рэспублікі Беларусь № 56 «Об А. К. Аверьянове» (руск.). Национальный правовой Интернет-портал Республики Беларусь (12 лютага 2019).
↑ Надзвычайны і Паўнамоцны Пасол Рэспублікі Беларусь у Рэспубліцы Польшча Архівавана 7 верасня 2015.

[1] Александр Лукашенко рассмотрел кадровые вопросы (руск.)

[Авяр’янаў2019-2] Указ Прэзідэнта Рэспублікі Беларусь № 56 «Об А. К. Аверьянове» (руск.). Национальный правовой Интернет-портал Республики Беларусь (12 лютага 2019).

[3] Надзвычайны і Паўнамоцны Пасол Рэспублікі Беларусь у Рэспубліцы Польшча Архівавана 7 верасня 2015.

[1]

[2]

[3]

Надзвычайныя і Паўнамоцныя Паслы Рэспублікі Беларусь у Рэспубліцы Польшча
Пачатак дыпадносін Адкрыццё пасольства	2 сакавіка 1992 1993
Паслы	Уладзімір Сянько (1992—1994) Георгій Таразевіч (1994—1995) Віктар Бурскі (1996—2000) Мікалай Крэчка (2000—2002) Павел Латушка (2002—2008) Віктар Гайсёнак (2008—2013) Аляксандр Авяр’янаў (2013—2019) Уладзімір Чушаў (2019—2022)