Аляксандр Паўлавіч Блахін

Аляксандр Паўлавіч Блахін
Дата нараджэння	1 жніўня 1951(1951-08-01) (72 гады)
Месца нараджэння	Бабруйск, Бабруйская вобласць, БССР, СССР
Род дзейнасці	фізік
Навуковая сфера	спектраскапія і люмінесцэнцыя
Месца працы	Інстытут фізікі імя Б. І. Сцяпанава НАН Беларусі Аддзяленне фізікі, матэматыкі і інфарматыкі НАН Беларусі Інстытут малекулярнай і атамнай фізікі НАН Беларусі
Навуковая ступень	доктар фізіка-матэматычных навук
Альма-матар	БДУ
Прэміі

Алякса́ндр Па́ўлавіч Блахі́н (нар. 1 жніўня 1951, Бабруйск) — беларускі фізік. Доктар фізіка-матэматычных навук (1991), лаўрэат Дзяржаўнай прэміі Беларусі (1998). Аўтар навуковых прац па малекулярнай спектраскапіі і люмінесцэнцыі. Прадказаў існаванне і распрацаваў тэорыю палярызаванай люмінесцэнцыі шмататамных малекул у газавай фазе.

Біяграфія

У 1974 годзе скончыў Беларускі дзяржаўны ўніверсітэт. У 1975—1991 гадах працаваў у Інстытуце фізікі АН БССР. З 1992 года вучоны сакратар Аддзялення фізікі, матэматыкі і інфарматыкі АН Беларусі. З 1995 года працуе ў Інстытуце малекулярнай і атамнай фізікі АН Беларусі. У 1998 годзе стаў лаўрэатам Дзяржаўнай прэміі Беларусі за даследаванні дынамікі вярчальнага руху электронна-ўзбуджаных малекул у газавай фазе.

Працы

• Ориентационная корреляционная функция классического ансамбля свободных асимметричных волчков // Доклады АН БССР, 1979. Т. 23, № 11.
• Поляризация флуоресценции свободных многоатомных молекул (разам з В.А. Таўкачовым) // Оптика и спектроскопия, 1981. Т. 51, вып. 2.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).