Аляксандр Пятровіч Шпак

Аляксандр Пятровіч Шпак
альтэрн.: Аляксандар Пятровіч Шпак
Дата нараджэння	16 красавіка 1948(1948-04-16)
Месца нараджэння	Чапаеўка (Чарнобыльскі раён), Чарнобыльскі раён[d], Кіеўская вобласць, УССР, СССР
Дата смерці	8 жніўня 2022(2022-08-08) (74 гады)
Грамадзянства	Беларусь
Род дзейнасці	эканаміст
Месца працы	Інстытут сістэмных даследаванняў у АПК НАН Беларусі
Навуковая ступень	доктар эканамічных навук
Навуковае званне	прафесар
Альма-матар	Нацыянальны ўніверсітэт біярэсурсаў і прыродакарыстання Украіны (1971)
Узнагароды	Ганаровая грамата Міністэрства сельскай гаспадаркі і харчавання Рэспублікі Беларусь[d] (2008) Ганаровая грамата НАН Беларусі[d] (2013)

Аляксандр Пятровіч Шпак (нар. 16 красавіка 1948, Чапаеўка, цяпер Вышгарадскі раён, Кіеўская вобласць, Украіна — 8 жніўня 2022) — беларускі эканаміст.

Аўтар навуковых прац пра ўкладанні ў сельскую гаспадарку. У 1994 годзе распрацаваў канцэпцыю, што лягла ў аснову дзяржаўнай праграмы рэфармавання сельскай гаспадаркі Беларусі шляхам пераходу да рыначнага гаспадарання. Доктар эканамічных навук (1999) і прафесар. 7-ы кіраўнік «Інстытута сістэмных даследаванняў у АПК» (2012—2018).

Біяграфія

У 1971 годзе скончыў Украінскую сельскагаспадарчую акадэмію і працаўладкаваўся навуковым супрацоўнікам у Беларускі навукова-даследчы інстытут сельскагаспадарчай вытворчасці, дзе ў 1973—1976 гадах праходзіў падрыхтоўку ў аспірантуры. У 1994 годзе стаў намеснікам кіраўніка БелНДІ эканомікі і інфармацыі АПК. У 2006—2008 гадах узначальваў прадпрыемства «БелНДІ ўкаранення новых формаў гаспадарання ў АПК» Нацыянальнай акадэміі навук Беларусі да яго ўключэння ў склад «Інстытут сістэмных даследаванняў у АПК», дзе заняў пасаду намесніка кіраўніка. У 2012—2018 гадах узначальваў «Інстытут сістэмных даследаванняў у АПК». З 2019 года працаваў тамсама загадчыкам аддзела эканамічнага рэгулявання.