Аляксандр Уладзіміравіч Папоў (біятланіст)

Аляксандр Папоў
Поўнае імя	Аляксандр Уладзіміравіч Папоў
Нарадзіўся	22 лютага 1965(1965-02-22) (60 гадоў) Табольск, Цюменская вобласць, РСФСР, СССР
Грамадзянства	Расія  Беларусь
Тытулы
Алімпійскі чэмпіён	1 раз (1988)
Чэмпіён свету	4 разы (1989, 1992, 1996, 1997)
Алімпійскія гульні Золата Калгары 1988 эстафета 4x7,5 км Серабро Альбервіль 1992 эстафета 4x7,5 км Чэмпіянаты свету Серабро Лэйк-Плэсід 1987 эстафета 4x7,5 км Серабро Файстрыц 1989 эстафета 4x7,5 км Золата Файстрыц 1989 камандная гонка 10 км Серабро Лахты 1991 індывідуальная гонка 20 км Серабро Лахты 1991 эстафета 4x7,5 км Золата Новасібірск 1992 камандная гонка 10 км Бронза Антэрсельве 1995 эстафета 4x7,5 км Бронза Рупольдынг 1996 эстафета 4x7,5 км Золата Рупольдынг 1996 камандная гонка 10 км Золата Осрблье 1997 камандная гонка 10 км Чэмпіянаты Еўропы Серабро Ле-Гран-Барнан 1995 індывідуальная гонка 20 км Золата Ле-Гран-Барнан 1995 эстафета 4x7,5 км Бронза Валь-Рыдана 1996 індывідуальная гонка 20 км Серабро Валь-Рыдана 1996 эстафета 4x7,5 км Серабро Мінск 1998 спрынт 10 км Дзяржаўныя ўзнагароды Медаль «За працоўныя заслугі» Заслужаны майстар спорту СССР Заслужаны трэнер Рэспублікі Беларусь

Алякса́ндр Уладзі́міравіч Папо́ў (22 лютага 1965, Табольск) — савецкі, беларускі біятланіст. Выступаў за «Дынама» (Свярдлоўск), з 1989 года — за г. Мінск (Беларусь).

Біяграфія

Скончыў Свярдлоўскае тэхнічнае пажарна-тэхнічнае вучылішча МУС СССР (1985), Табольскую дзяржаўную сацыяльна-педагагічную акадэмію імя Дз. І. Мендзялеева (1994).

Алімпійскі чэмпіён 1988 года ў эстафеце 4×7,5 км, сярэбраны прызёр Алімпіяды 1992 года ў эстафеце 4×7,5 км. Чатырохразовы чэмпіён свету ў каманднай гонцы. Сярэбраны прызёр Кубка свету (1989) у агульным заліку. Чэмпіён Еўропы 1995 года ў эстафеце.

Чэмпіён СССР 1985 года ў гонцы на 10 км, 1987 у гонцы патрулёў на 25 км, 1986, 1988 у эстафеце. Пераможца зімовай Спартакіяды народаў СССР 1986 года.

У 1998—1999 — галоўны трэнер маладзёжнай зборнай Беларусі па біятлоне. У 1999—2007 — галоўны трэнер нацыянальнай зборнай Беларусі па біятлоне. У 2007—2010 — галоўны трэнер мужчынскай зборнай Беларусі па біятлоне. З 2010 года — старшы трэнер мужчынскай зборнай Беларусі па лыжных гонках.

Сцяганосец алімпійскай каманды Беларусі на цырымоніі адкрыцця ЗАГ-2006 у Турыне .

Узнагароды і званні

• Заслужаны майстар спорту СССР (1988).
• Заслужаны майстар спорту Рэспублікі Беларусь (1994).
• Заслужаны трэнер Рэспублікі Беларусь (2010).
• Кавалер ордэна «Знак Пашаны».
• Медаль «За працоўныя заслугі».