Аляксей Сцяпанавіч Крушынскі

Аляксей Сцяпанавіч Крушынскі
Аляксей Сцяпанавіч Крушынскі
Род дзейнасці	рэдактар газеты, галоўны рэдактар
Дата нараджэння	9 лістапада 1911
Месца нараджэння	Смальяны, Аршанскі павет, Магілёўская губерня, Расійская імперыя;
Дата смерці	2006
Месца смерці	Мінск, Беларусь;
Грамадзянства	Расійская імперыя; СССР; Беларусь;
Месца працы	Віцебскі рабочы; Настаўніцкая газета;
Альма-матар	Аршанскі педагагічны тэхнікум; Камуністычны інстытут журналістыкі імя С. М. Кірава;
Узнагароды і прэміі

Аляксей Сцяпанавіч Крушынскі (9 лістапада 1911, Смальяны, цяпер Аршанскі раён Віцебскай вобласці — 2006, Мінск) — беларускі журналіст, першы рэдактар «Настаўніцкай газеты».

Біяграфія[правіць | правіць зыходнік]

Скончыў Аршанскі педагагічны тэхнікум (1929) і пяць гадоў працаваў настаўнікам. Завочна скончыў Камуністычны інстытут журналістыкі імя С. М. Кірава (1934), працаваў адказным сакратаром ў газетах «Ленінскі шлях» (Горкі Магілёўскай вобласці) і «Чырвоны хлебароб» (Талачын Віцебскай вобласці). З 1940 года працаваў рэдактарам раённай газеты памежнага Чыжаўскага раёна Беластоцкай вобласці.

З канца чэрвеня 1941 года удзельнічаў у падполлі ў Оршы. З-за пагрозы арышту пайшоў у партызаны, быў начальнікам разведкі, потым начальнікам штаба атрада імя К. Я. Варашылава партызанскай брыгады Канстанціна Заслонава.

З лістапада 1943 года рэдагаваў падпольную віцебскую абласную газету «Віцебскі рабочы». У 1943 годзе ад імя партызан выступаў у калоннай зале Дома Саюзаў у Маскве. Удзельнік партызанскіх парадаў у Віцебску і Мінску.

Пасля вызвалення Віцебска быў рэдактарам «Віцебскага рабочага», у кастрычніку 1945 года прызначаны рэдактарам «Настаўніцкай газеты».

Аўтар дакументальнай аповесці «Выбухі над Дняпром» пра К. Заслонава, якая перавыдавалася некалькі разоў.

Узнагароды[правіць | правіць зыходнік]

Ордэн Айчыннай вайны І ступені
Ордэн Айчыннай вайны ІІ ступені
Ордэн Чырвонай Зоркі
Ордэн «Знак Пашаны» за плённую працу на пасадзе рэдактара «Настаўніцкай газеты»

Спасылкі[правіць | правіць зыходнік]

Крушинский, Алексей Степанович (журналист; участник партизанского движения; 1911—) (руск.) // Нацыянальная бібліятэка Беларусі
Крушинский Алексей Стефанович (руск.) // Спецыяльны праект Выдавецкага дома «Беларусь сегодня» і Нацыянальнага архіва Рэспублікі Беларусь «Партызаны Беларусі»
Музейный комплекс «Дорога памяти»(недаступная спасылка) (руск.)