Анастасія Андрэеўна Жук

Анастасія Жук
Асабістыя звесткі
Дата нараджэння	11 сакавіка 1931(1931-03-11)
Месца нараджэння	Рабковічы, гміна Вольна[d], Баранавіцкі павет, Навагрудскае ваяводства, Польская Рэспубліка
Дата смерці	2018
Месца смерці	Баранавічы, Брэсцкая вобласць, Беларусь
Альма-матар	Баранавіцкі дзяржаўны настаўніцкі інстытут () Віцебскі дзяржаўны ўніверсітэт імя П. М. Машэрава ()
Месца працы	Баранавіцкі тэхналагічны тэхнікум[d]
Прафесійная дзейнасць
Род дзейнасці	паэтка, педагог

Анастасія Андрэеўна Жук (11 сакавіка 1931, Рабковічы, цяпер Баранавіцкі раён — 2018, Баранавічы) — беларуская паэтэса, педагог.

Біяграфія

Нарадзілася ў сялянскай сям’і.

Завочна скончыла спачатку Баранавіцкі настаўніцкі інстытут, а затым Віцебскі дзяржаўны педагагічны інстытут. Падчас вучобы працавала старшай піянерважатай у школе ў вёсцы Паланечка Баранавіцкага раёна, Гарадзішчанскім райкаме камсамола, а таксама настаўніцай у Пастарынскай і Гарадзішчанскай школах Баранавіцкага раёна.

З 1960 г. і да пенсіі выкладала хімію ў Баранавіцкім тэхналагічным тэхнікуме .

Творчасць

Свае першыя вершы Анастасія Андрэеўна напісала ў перыяд з 1953 па 1957 гг. Гэта былі такія вершы, як «І. В. Сталіну», «Е. Лось», «Каханаму», «Горы Каўказа», «Раніца маёй вёскі».

Пачынаючы з 2002 г. вершы А. А. Жук сталі з’яўляцца ў друку: на старонках часопіса «Рэспубліка», газет «Інтэкс-прэс», «Наш край», «Шаг» і інш.

Зборнікі вершаў

• 2005 — «Дарогай жыцця…»
• 2006 — «Белыя крылы»
• 2009 — «След на земле»
• 2010 — «Гронка рабіны»
• 2011 — «Пад белымі крыламі»
• 2012 — «Паэтычныя брыганціны»

Спасылкі

• «Жук, Анастасія Андрэеўна (паэтэса)», Дзяржаўная ўстанова «Нацыянальная бібліятэка Беларусі»
• Баранавічы паэтычныя, ДУК «Цэнтралізаваная бібліятэчная сістэма г. Баранавічы»