Анатоль Ігнатавіч Рыбчынскі

Анатоль Ігнатавіч Рыбчынскі
Дата нараджэння	25 ліпеня 1936(1936-07-25) (87 гадоў)
Месца нараджэння	Крычаў, Крычаўскі раён, БССР, СССР
Род дзейнасці	мастак
Жанр	станковая графіка[d], жывапіс і акварэльны жывапіс[d]
Вучоба	Мінскае мастацкае вучылішча (1962) Беларускі дзяржаўны тэатральна-мастацкі інстытут (1967)
Уплыў	Надзея Іванаўна Галоўчанка, Леў Мееравіч Лейтман і Павел Канстанцінавіч Любамудраў
Член у	Беларускі саюз мастакоў

Анатоль Ігнатавіч Рыбчынскі (нар. 25 ліпеня 1936, г. Крычаў, Магілёўская вобласць) — беларускі мастак.

Біяграфія

Скончыў у 1962 годзе Мінскае мастацкае вучылішча, у 1967 годзе Беларускі тэатральна-мастацкі інстытут. Вучыўся ў Н. Галоўчанкі, Л. Лейтмана, П. Любамудрава. Удзельнік мастацкіх выставак з 1966 года.

Член Беларускага саюза мастакоў з 1972 года. Жыве ў г. Мінску.

Творчасць

Працуе ў станковай графіцы, жывапісе, акварэлі. Асноўныя творы: графічныя лісты «Вогненныя старты», «Сын зямлі беларускай», «Адроджаны з попелу», «Паўстанне на Магілёўшчыне», «Азёрны край. Лепельшчына»; цыкл «Палескія замалёўкі»; акварэлі «Па Казахстане», «Зямля Салігорская»; палотны «Першы снег на Браслаўшчыне», «Восень», «Зіма на Міншчыне», «Нябесны звон», «Адвечны боль». Творы знаходзяцца Нацыянальным мастацкім музеі Беларусі, фондах БСМ, Музеі сучаснага выяўленчага мастацтва ў Мінску, Магілёўскім абласным мастацкім музеі імя П. Масленікава, Гродзенскім музеі гісторыі рэлігіі.

Літаратура

• Рыбчынскі Анатоль Ігнатавіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б.А.Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.