Анатоль Сцяпанавіч Аксамітаў

Анатоль Сцяпанавіч Аксамітаў
Дата нараджэння	17 ліпеня 1926(1926-07-17) ці 1926
Месца нараджэння	Гомель, СССР
Дата смерці	5 лютага 2003(2003-02-05)
Жонка	Леаніла Апанасаўна Малаш-Аксамітава
Род дзейнасці	мовазнавец, лексікограф
Месца працы	Інстытут мовазнаўства НАНБ Беларускі рэспубліканскі фонд фундаментальных даследаванняў
Навуковая ступень	доктар філалагічных навук (1984)
Альма-матар	БДУ (1951)

Анатоль Сцяпанавіч Аксамі́таў (17 ліпеня 1926, Гомель — 5 лютага 2003) — беларускі мовазнавец. Доктар філалагічных навук (1984).

Біяграфія

Скончыў БДУ ў 1951 годзе. У 1952—1991 у Інстытуце мовазнаўства АН Беларусі, з 1994 у Фондзе фундаментальных даследаванняў Рэспублікі Беларусь.

Навуковая дзейнасць

Распрацоўваў пытанні беларускай і славянскай фразеалогіі («Лексіка беларускіх прыказак XIX ст. у сувязі з агульнай праблемай фразеалогіі», 1958; «Беларуская фразеалогія», 1978; «Гістарычная лексікалогія беларускай мовы», 1970, у сааўтарстве), этналінгвістыкі, фразеаграфіі і гісторыі беларускага мовазнаўства. Рэдактар і адзін са складальнікаў «Фразеалагічнага слоўніка мовы твораў Я. Коласа» (1993), сааўтар «Беларуска-рускага слоўніка» (1962). Аўтар кнігі «3 думай славяніна» (1991, з Л. А. Малаш).

Сям’я

У шлюбе з беларускай фалькларысткай Леанілай Малаш.

Літаратура

• Аксамітаў Анатоль Сцяпанавіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).

Спасылкі

• Анатоль Сцяпанавіч Аксамітаў на сайце анлайн-энцыклапедыі «Беларусь у асобах і падзеях»