Анатоль Мікалаевіч Сцебурака

Анатоль Мікалаевіч Сцебурака
Анатоль Мікалаевіч Сцебурака
Дата нараджэння	22 жніўня 1983 (40 гадоў)
Месца нараджэння	Амговічы, Амговіцкі сельсавет, Слуцкі раён, Мінская вобласць, БССР, СССР;
Грамадзянства	Беларусь;
Род дзейнасці	гісторык
Месца працы	Нацыянальная бібліятэка Беларусі; Інстытут бізнесу БДУ; Рэспубліканскі інстытут вышэйшай школы;
Навуковая ступень	кандыдат гістарычных навук
Навуковае званне	дацэнт;
Альма-матар	гістарычны факультэт БДУ; Рэспубліканскі інстытут вышэйшай школы;

Анатоль Мікалаевіч Сцебурака (нар. 22 жніўня 1983, в. Амговічы, Слуцкі раён, Мінская вобласць) — беларускі гісторык. Спецыяліст па гісторыі адукацыі другой паловы XVI — першай паловы XVII ст. і французскіх архіўных калекцыях Беларусі. Кандыдат гістарычных навук (2011), дацэнт (2015)^[1].

Біяграфія[правіць | правіць зыходнік]

Нарадзіўся 22 жніўня 1983 года ў вёсцы Амговічы Слуцкага раёна^[1]. Мае старэйшага брата Усевалада, беларускага паэта і шоумена.

Скончыў у 2005 годзе гістарычны факультэт БДУ. У 2005—2010 гадах працаваў у Нацыянальнай бібліятэцы Беларусі. У 2010 годзе выкладчык Інстытута бізнесу БДУ^[1].

У 2011 годзе скончыў аспірантуру Рэспубліканскага інстытута вышэйшай школы БДУ. У 2011 годзе абараніў кандыдацкую дысертацыю па тэме «Развіццё адукацыі ў Беларусі ў другой палове XVI — першай палове XVII стагоддзяў: этнаканфесійны і сацыяльны аспекты»^[1].

З 2011 года дацэнт кафедры гісторыка-культурнай спадчыны Беларусі Рэспубліканскага інстытута вышэйшай школы^[1].

Навуковая дзейнасць[правіць | правіць зыходнік]

Напрамкі даследаванняў: этнаканфесійны і сацыяльны аспекты адукацыі ў Беларусі ў XVI—XVII ст., Беларусь у часы напалеонаўскіх войнаў, беларуска-французскія кніжныя і культурныя кантакты^[1].

Бібліяграфія[правіць | правіць зыходнік]

Удзел у калектыўных працах

Sept ans d’absence, 1807—1814: témoignage d’un soldat de Napoléon (Joseph Quantin). Paris, 2020.
Лісты да Жазефіны: ваенныя шляхі французскага афіцэра: 1805—1812. Мінск, 2018.
Françoise Albertine Mas, Charles-P. Fitte de Soucy (1776—1813): Lettres d’un officier Napoléonien… Paris, 2015.
Гісторыя Беларусі XIX ст. у мемуарах // ARCHE. 2014. № 1-2.
Французские автографы в фонде Национальной библиотеки Беларуси [Электронный ресурс]. Минск, 2011.

Заўвагі[правіць | правіць зыходнік]

↑ ^а ^б ^в ^г ^д ^е Марозаў 2022.

Літаратура[правіць | правіць зыходнік]

СЦЕБУРАКА Анатоль Мікалаевіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.

[FOOTNOTEМарозаў2022-1] а ^б ^в ^г ^д ^е Марозаў 2022.

[1]