Антоній Бышкоўскі

Антоній Бышкоўскі
Антоній Бышкоўскі
	польск.: Antoni Byszkowski; лац.: Antonius Byszkowski
Дата нараджэння	16 чэрвеня 1743
Дата смерці	6 лютага 1809 (65 гадоў)
Месца смерці	Орша, Аршанскі павет, Магілёўская губерня, Расійская імперыя;
Род дзейнасці	святар
Месца працы	Аршанскі езуіцкі калегіум;

Антоній Бышкоўскі (польск.: Antoni Byszkowski, лац.: Antonius Byszkowski; 16 чэрвеня 1743^[1] – 6 лютага 1809, Орша^[2]) – езуіцкі святар і педагог.

Уступіў у Таварыства Ісуса 25 жніўня 1760 г^[1]. Выкладаў у Магілёўскім езуіцкім калегіуме (1774–1775), прафесар філасофіі ў Полацкім езуіцкім калегіуме (1776–1777)^[3]. У 1782–1803 гг. быў звязаны з Аршанскім езуіцкім калегіумам, у тым ліку працаваў на падпарадкаванай калегіуму місіянерскай пляцоўцы ў маёнтку Пагост (Дзісенскі павет)^[4]. 15 жніўня 1783 г. даў манаскія абяцанні. У 1803–1807 гг. – у Мсціслаўскім езуіцкім калегіуме. У 1807 г. вярнуўся ў Оршу. Яго апошняя пасада – інструктар ІІІ прабацыі (1808–1809)^[3].

Зноскі

Encyklopedia wiedzy o jezuitach na ziemiach Polski i Litwy 1564–1995 / оprac. L. Grzebień (польск.) (бел.. – Kraków : Wyd-wo WAM, 1996. – 882 s.