Ануфрый Францавіч Друцкі-Любецкі

Ануфрый Францавіч Друцкі-Любецкі
Друцк
маршалак шляхты Пінскага павета 1799 — 1802
Нараджэнне	12 жніўня 1768(1768-08-12) Лунін, Беларусь
Смерць	16 ліпеня 1841(1841-07-16) (72 гады) Варшава, Царства Польскае, Расійская імперыя
Месца пахавання	Старыя Павонзкі
Род	Друцкія-Любецкія
Бацька	Францішак Друцкі-Любецкі
Маці	Генавефа з Алізар-Ваўчкевічаў[d]
Жонка	Элеанора Апалінарыя з Жабаў[d]

Ануфрый Францавіч Друцкі-Любецкі (1768—1841) — дзяржаўны службовец.

Біяграфія

Паходзіў з княжацкага роду Друцкіх-Любецкіх герба «Друцк». Сын Францішка Юзафавіча Друцкага-Любецкага, стольніка аршанскага, і Генавефы з Алізараў, дачкі кіеўскага стольніка.

У 1799—1802 гадах маршалак шляхты Пінскага павета. Стацкі радца (1800).

У выніку падзелу атрымаў маёнтак Пагост (з мястэчкам), фальваркі і вёскі Данілаўка, Бакінічы Пінскага павета і 28170 злотых.

Магіла Ануфрыя Друцкага-Любецкага

Памёр 16 ліпеня 1841 года ў Варшаве. Пахаваны 18 ліпеня ў катакомбах Паванзкоўскіх могілак.

Сям’я

У 1799 годзе ў Гелванах ажаніўся з Элеанорай Апалінарыяй з Жабаў (1784—1847), дачкой Тадэвуша Жабы (1750—1800) і Людвікі з Келпшаў.

Меў сына Станіслава Юзафа Ігната (архышчаны 9 мая 1809 г. ў Гарадзішчанскім касцёле). Губернскі сакратар. У шлюбе з Адэлаідай Святаполк-Мірскай.

А таксама дачок:

• Тэрэза, у шлюбе з Казімірам Чудоўскім;
• Паўліна, у шлюбе з Мікалаем Дактаровічам-Грабніцкім (1791—1866), віцебскім губернскім маршалкам;
• Караліна, у шлюбе са Станіславам Шчыт-Неміровічам;
• Марыя, у шлюбе з Ігнаціем Хлявінскім.

Літаратура

• Друцкія-Любецкія герба «Друцк» // Гербоўнік беларускай шляхты. Т. 5. Д / Я. С. Глінскі [і інш.]; навук. рэд. А. Рахуба. — Мінск : Беларусь, 2018. — С. 548. — 847 с. — ISBN 978-985-01-1252-1.