Аніхафоры

Аніхафоры
Peripatus sp.
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Надтып:  Lobopodia Тып:  Аніхафоры
Міжнародная навуковая назва
Onychophora Grube, 1853
Сямействы
Peripatidae Peripatopsidae
Сістэматыка на Віківідах Выявы на Вікісховішчы ITIS   154431 NCBI   27563 EOL   6927 FW   67135

Аніхафоры (Onychophora) — тып беспазваночных жывёл.

Апісанне

Адзіны клас (Першаснатрахейныя, Protracheata) падзяляецца на 2 сямействы, каля 100 відаў. Пашыраны пераважна ў трапічнай і ўмеранай зонах Паўднёвага паўшар’я.

Даўжыня да 15 см. Цела з 13-44 сегментаў, вусенепадобнае, укрыта мяккай хіцінавай кутыкулай. Па ўсёй даўжыні цела кароткія ножкі. На галаве 3 пары прыдаткаў (першая пара — доўгія вусікі). Органы дыхання — трахеі, выдзялення — цэламадукты. Сэрца ў выглядзе трубкі з адтулінай, крывяносных сасудаў няма.

Жывуць у вільготных мясцінах, у лясным подсціле. Начныя жывёлы. Кормяцца насякомымі.

Раздзельнаполыя. Пераважна жывародныя.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 1: А — Аршын. — 552 с. — ISBN 985-11-0036-6 (т. 1), ISBN 985-11-0035-8.