Аркадзь Фядосавіч Рылюк

Аркадзь Фядосавіч Рылюк
Аркадзь Фядосавіч Рылюк
Дата нараджэння	21 чэрвеня 1934
Месца нараджэння	Ліпнікі, Драгічынскі сельсавет, Драгічынскі раён, Беларусь;
Дата смерці	2 мая 2014 (79 гадоў)
Грамадзянства	СССР; Беларусь;
Род дзейнасці	хірург, навуковец
Навуковая сфера	хірургія і тапаграфічная анатомія чалавека[d]
Месца працы	БелМАПА;
Навуковая ступень	доктар медыцынскіх навук (1992)
Навуковае званне	прафесар;
Альма-матар	Пінскі дзяржаўны медыцынскі каледж[d]; Мінскі медыцынскі інстытут (1960);

Аркадзь Фядосавіч Рылю́к^[1] (21 чэрвеня 1934 г., в. Ліпнікі, Драгічынскі раён, Брэсцкая вобласць — 2 мая 2014^[2]) — беларускі хірург, вучоны, доктар медыцынскіх навук (1992), прафесар (1995).

Біяграфія[правіць | правіць зыходнік]

Пасля заканчэння сямігадовай школы студэнт Пінскага медыцынскага вучылішча (1950—1953 гг.). Фельчар медыцынскага ўчастка ў вёсцы Валавель Драгічынскага раёна з 1953 па 1954 год. У 1954 годзе паступіў у Мінскі медыцынскі інстытут, які скончыў з адзнакай у 1960 годзе.

Працаваў хірургам Мікашэвіцкай міжраённай бальніцы, 1960—1961 гг. З 1961 па 1968 год урач-хірург, затым загадчык хірургічнага аддзялення Лунінецкай раённай бальніцы. З 1968 па 1971 год клінічны ардынатар Беларускага інстытута ўдасканалення ўрачоў (БелМАПА). Пасля заканчэння ардынатуры — урач-хірург Мінскай чыгуначнай бальніцы. З 1972 года асістэнт, дацэнт і прафесар Беларускага інстытута ўдасканалення ўрачоў.

У 1974 годзе абараніў кандыдацкую дысертацыю на тэму «Трамбозы і эмбаліі пры вострым апендыцыце». У 1990 годзе абараніў доктарскую дысертацыю на тэму «Рэваскулярызацыя страўнікавага і кішачных трансплантатаў». З 1987 па 2014 год кіраваў курсам тапаграфічная анатомія і аператыўная хірургія кафедры тапаграфічнай анатоміі БелМАПА.

Навуковая дзейнасць[правіць | правіць зыходнік]

Аўтар 3 манаграфій, 4 вынаходстваў, 80 рацыяналізатарскіх прапаноў, 200 друкаваных прац па розных праблемах аператыўнай хірургіі органаў брушной поласці і таза.

Зноскі

Літаратура[правіць | правіць зыходнік]

Рылюк Аркадзь Фядосавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 500. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі[правіць | правіць зыходнік]

[БелЭн—2001——-1] БелЭн, 2001

[КБ-2] Краязнаўства Берасцейшчыны

[1]

[2]