Астравы Марыі

Марыі
	ісп. Marías
	; Выгляд з космасу
Характарыстыкі
Колькасць астравоў	9
Найбуйнейшы востраў	востраў Марыя-Мадрэ
Агульная плошча	245 км²
Найвышэйшы пункт	616 м
Насельніцтва	1 116 чал. (2005)
Шчыльнасць насельніцтва	4,56 чал./км²
Размяшчэнне
	21°36′57″ пн. ш. 106°34′42″ з. д.HGЯO
Акваторыя	Ціхі акіян
Краіна	Мексіка;
	Марыі
Медыяфайлы на Вікісховішчы

Астравы Марыі (ісп.: Islas Marías) — група астравоў у Ціхім акіяне, адміністрацыйна належаць да мексіканскага штата Наярыт. Агульная плошча — 245 км². Насельніцтва (2005 г.) — 1116 чал.

Геаграфія[правіць | правіць зыходнік]

Архіпелаг Марыі ўключае 9 астравоў, што знаходзяцца ў 112 км ад мацерыковай часткі Мексікі. Найбуйнейшы востраў Марыя-Мадрэ займае плошчу 145,28 км². Паверхня гарыстая. Узбярэжжа большасці астравоў пакрыта скаламі і камяністымі пляжамі. Найвышэйшы пункт — мыс Ракалоса (616 м).

Клімат трапічны, дзякуючы сталаму ўздзеянню Ціхага акіяна больш мяккі, чым на астатняй тэрыторыі штата Наярыт.

Прырода[правіць | правіць зыходнік]

На астравах існуе некалькі экалагічных зон. Значная частка сушы пакрыта хмызнякамі і травамі, аднак існуюць невялікія па плошчы горныя лясныя масівы і прыбярэжныя мангры. Флора і фаўна адрозніваюцца распаўсюджваннем эндэмічных форм, у тым ліку мясцовымі відамі яшчарак, грызуноў, казурак і птушак. Сустракаюцца ластаногія, пінгвіны, ігуаны, кажаны, апосумы і інш. Навакольныя воды насяляюць рэдкія віды рыб, кітоў і дэльфінаў.

У 2010 г. ЮНЕСКА абвясціла астравы Марыі біясферным рэзерватам.

Гісторыя[правіць | правіць зыходнік]

Астравы Марыі былі адкрыты іспанскімі канкістадорамі ў 1532 г. У 1857 г. мексіканскі ўрад перадаў іх у арэнду прыватным асобам, аднак ніякай актыўнай эканамічнай дзейнасці яны не вялі. У 1879 г. сталі прыватнай маёмасцю сям'і Карпена, якая распачала здабычу солі. У 1905 г. архіпелаг зноў выкуплены федэральным урадам Мексікі. На востраве Марыя-Мадрэ была пабудавана турма, якая дзейнічае да нашых дзён.

Спасылкі[правіць | правіць зыходнік]