Асцёр (прыток Дзясны)

З пляцоўкі Вікіпедыя
Jump to navigation Jump to search
Асцёр
укр.: Остер
Oster.jpg
Вусце Дзясна, горад Асцёр
Даўжыня 199 км
Вадазбор 2 970 км²
Краіна Сцяг Украіны Украіна
Commons
У Вікісховішчы ёсць выявы з тэмай:
Асцёр

Асцёр (укр.: Остер) — рака ў Чарнігаўскай вобласці Украіны, левы прыток Дзясны (басейн Дняпра).

Даўжыня ракі — 199 км, плошча басейна — 2 970 км².

Бярэ пачатак з балота ў межах Бахмацкага раёна, цячэ па Прыдняпроўскай нізіне. Даліна слаба выражаная, у ніжнім цячэнні мае трапецападобную форму. Шырыня яе 2—4 км, глыбіня 5—10 м. Пойма забалочаная, распаўсюджаны старыцы, ёсць тарфянішчы. Рэчышча слабазвілістае, амаль на ўсім працягу каналізаванае, зарэгуляванае шлюзамі і помпавымі станцыямі для перакачвання вады з Дзясны праз Асцёр у р. Трубіж(укр.) бел. (у летні перыяд). Шырыня рэчышча пераважна 8—12 м, глыбіня 1—1,5 м. Дно роўнае, пясчанае, на перакатах замуленае. Нахіл ракі 0,17 м/км.

Жыўленне пераважна снегавое. Характэрна веснавое разводдзе, бываюць летнія паводкі. Ледастаў з канца лістапада — пачатку снежня да сакавіка.

На пойме створана меліярацыйная сістэма. На рацэ знаходзяцца гарады: Нежын, Казялец, Асцёр (пры ўпадзенні ў Дзясну).

Зноскі

Літаратура[правіць | правіць зыходнік]

  • Остер // Географічна енциклопедія України: В 3-х т. / Редкол.: О. М. Маринич (відповід. ред.) та ін. — К.: «Українська Радянська Енциклопедія» ім. М. П. Бажана, 1990, — Т. 2: З — О. — 480 с.: іл. — ISBN 5-88500-012-3 (т. 2) (укр.)