Базыльянская батарэя

З пляцоўкі Вікіпедыя
Jump to navigation Jump to search
Славутасць
Базыльянская батарэя
52°05′04,45″ пн. ш. 23°39′32,69″ у. д.HGЯO
Краіна Flag of Belarus.svg Беларусь
Горад Брэст
Будаўніцтва 18651867 гады
Commons-logo.svg Базыльянская батарэя на Вікісховішчы

Базылья́нская батарэ́я — абарончае збудаванне Брэсцкай крэпасці, размешчанае ва ўсходняй частцы Кобрынскага ўмацавання, паміж Лабараторнай батарэяй і Паўбастыёнам V. Узведзена ў 18651867 гадах.

Фрагмент плана прац 1868 г. З архіва БРАКМ

Батарэя ўяўляе сабой земляное ўмацаванне, якое закрывае частку абарончай казармы, якая ляжыць ззаду, і служыць для абстрэльвання унутранасцей — першага, другога, трэцяга і чацвёртага франтоў і фланкавання абодвух рэдутаў. Роў наперадзе батарэі сухі. Пад валгангам батарэі знаходзіцца каменная аднапавярховая казематаваная казарма, якая служыла памяшканнем палівальнай майстэрні для крапасной артылерыі, а пасля яе ліквідацыі выкарыстоўвалася для канцылярыі і цэйхгаўзаў артылерыйскіх паркаў. Казарма складаецца з 9 казематаў і была разлічана на 175 чалавек.

Базыльянская батарэя

З 1922 года па 1939 у казармах былой батарэі пры дапамозе старшых афіцэраў і ваеннага святара, палкоўніка Антонія Матайкевіча(польск.) бел., быў створаны кааператыў 9-й ваеннай акругі Войска Польскага. Гэты кааператыў забяспечваў сем’і ваенных і вольнанаёмных, якія атрымалі працу пры гарнізоне, неабходнымі прадуктамі харчавання і іншымі таварамі. Тут мелася невялікая крама і буфет.

У 1941 годзе ў казематах батарэі дыслакаваўся 44-ы палявы аўтахлебазавод са сваёй санчасткай, ленінскім пакоем, казармай транспартнага і гаспадарчага ўзвода, упраўленнем, сталовай, пякарняй, складам і прыбіральні. У час ваенных дзеянняў у чэрвені 1941 года, аж да 26 чэрвеня, у гэтым месцы змагалася адна з груп абаронцаў крэпасці.

Як пункт грамадскага харчавання, установа адкрылася ў 1973 годзе пад назвай «Сталовая № 18», а ўжо пасля распаду СССР атрымала сімвалічную назву — кафэ «Цытадэль». Пры будаўніцтве кухні была прыбрана гаржавая частка вала былой артылерыйскай батарэі, пабудаваны дапаможныя памяшканні.

Спасылкі[правіць | правіць зыходнік]

  • Аб'ект у Базе даных «Спадчына Брэсцкай крэпасці» (руск.)