Баланешты
| Баланешты | |
|---|---|
| малд. Bălăneşti | |
 Самы высокі пункт Малдовы выкарыстоўваецца для сельскай гаспадаркі і камунікацыйных тэхналогій. | |
| Найвышэйшы пункт | |
| Абсалютная вышыня | 428,2[1] м |
| Размяшчэнне | |
| 47°13′03,60″ пн. ш. 28°05′30″ у. д.HGЯO | |
| Краіна | |
| Рэгіён | Ніспарэнскі раён |
| Раён | Сяло Баланешты |
| Горная сістэма | Цэнтральнамалдаўскае ўзвышша |
Баланешты (рум.: Bălăneşti) — гара ў Малдове, у 60 км на захад ад Кішынёва. З'яўляецца самым высокім пунктам у краіне[2][3]. Вышыня — 428,2 м[1], плошча каля 1,2 км²[4]. Таксама вядомая як гара Крэкан[5].
Гара знаходзіцца ў заходняй частцы краіны недалёка ад мяжы з Румыніяй, на водападзеле басейнаў рэк Прут і Днестр[4], на Цэнтральнамалдаўскім узвышшы, у найболей прыўзнятай і рассечанай яго частцы — Кодрах[6].
Каля гары знаходзяцца сёлы Баланешты, Мілешты і Гэурэны. На адлегласці 18 км. ад вяршыні знаходзіцца горад Калараш.
Схілы пакрыты лясамі[7] і выкарыстоўваюцца ў рэкрэацыйных мэтах[7]. Лясное покрыва схілаў пададзенае пераважна грабамі і дубамі. Сустракаюцца таксама спадарожныя пароды — ліпа, ясень, клён, адзінкава бук, рабіна, дзікая груша, дзікая чарэшня, кізіл. Пад лясным покрывам растуць плюшч, брызгліна карлікавая, венерын чаравічак, ландышы, пралескі, чубаткі, сон-трава, некаторыя віды папарацяў, павойніка і некалькі відаў архідэй. На схілах гор пераважаюць бурыя і шэрыя лясныя глебы. Са схілаў Баланешт з адзнак 225, 325 і 390 метраў выступаюць падземныя воды[5].
Купалаватая вяршыня гары без лесу; яе глебы складзены пяскамі і глінамі. На вяршыні знаходзіцца трыянгуляцыйная вышка, якая ў наш час выкарыстоўваецца для камунікацыйных тэхналогій.
Зноскі
- 1 2 Статистический ежегодник Республики Молдова 2012 — Кишинёв: Национальное бюро статистики Республики Молдова, 2012. — C. 10
- ↑ Советский Союз. Географическое описание в 22-х томах. Молдавия. — Москва: «Мысль», 1970. — С. 17
- ↑ Айдаров Н. Степная дипломатия одевается во фрак. — Минск: Мастацкая літаратура, 1998. — 301 с.
- 1 2 Советская Молдавия. Краткая энциклопедия. — Кишинёв, Главная редакция Молдавской Советской Энциклопедии, 1982. — C. 31
- 1 2 Вера Николаевна Верина. По заповедным местам центральной Молдавии // Памятники природы Молдавии. — Кишинёв: Картя Молдовеняскэ, 1980. — С. 129-131. — 167 с.
- ↑ Молдавская ССР. — Кишинёв, Главная редакция Молдавской Советской Энциклопедии, 1979. — С. 10
- 1 2 Природные ресурсы для отдыха // Сельское хозяйство Молдавии. — Издательство ЦК КП МССР, 1962.
Літаратура
[правіць | правіць зыходнік]- Билинкис Г. М., Соколовский И. Л. Геоморфология Молдавии. — Кишинёв: Штиница // Институт прикладной физики АН Молдавской ССР, 1978. — 187 с.
- Frédéric Hartemann, Robert Hauptman. The mountain encyclopedia: an A-Z compendium of more than 2,300 terms, concepts, ideas, and people. — Scarecrow Press, 2005. — P. 291.