Беларускі прафсаюз работнікаў сувязі
| Беларускі прафсаюз работнікаў сувязі | |
|---|---|
| Адміністрацыйны цэнтр |
 Мінск |
| Адрас | Мінск, праспект Пераможцаў, 21 |
| Тып арганізацыі | прафесійны саюз |
| Заснаванне | |
| Дата заснавання | 1991 |
| svyaz.1prof.by | |
Беларускі прафсаюз работнікаў сувязі — беларускі прафесійны саюз, член Федэрацыі прафсаюзаў Беларусі, аб’ядноўвае работнікаў у галіне сувязі і іншых сумежных галінах, навучэнцаў, студэнтаў і работнікаў устаноў адукацыі адпаведнага профілю.
Першыя арганізацыі работнікаў сферы сувязі пачалі з’яўляцца на тэрыторыі Беларусі напярэдадні першай рускай рэвалюцыі ў 1905 годзе[1]. 15 лістапада 1905 года ў Маскве сабраўся I Усерасійскі з’езд паштова-тэлеграфных служачых, на якім прысутнічалі і дэлегаты ад беларускіх губерняў. З 15 лістапада па 27 лістапада 1905 года беларускія сувязісты з Нясвіжскай паштова-тэлеграфнай канторы правялі першую забастоўку сувязістаў на тэрыторыі Беларусі. Іх падтрымалі працоўныя чыгункі[2].
У савецкія часы работнікі сферы сувязі былі аб’яднаны ў Беларускі рэспубліканскі камітэт (БРК) работнікаў сувязі. На аснове БРК работнікаў сувязі ўжо пасля распаду СССР у незалежнай Беларусі Міністэрствам юстыцыі 14 лютага 1991 года быў зарэгістраваны Беларускі прафсаюз работнікаў сувязі[3].
Прафсаюз мае 248 першасных арганізацый і аб’ядноўвае 65 тысяч сяброў. Таксама прафсаюз мае калектыўныя дамовы ў такіх арганізацыях як «Белпошта», «Белтэлекам», «Белсувязьбуд», «Белрамбудсувязь» і Беларуская дзяржаўная акадэмія сувязі[4].
Зноскі
- ↑ Председатель Белпрофсоюза работников связи — о прошлом и перспективах (руск.). Звязда (30 красавіка 2019). Праверана 2022-1-17.
- ↑ Историческая справка - Белорусский профсоюз работников связи (руск.). Праверана 2022-1-17.
- ↑ Белорусский профсоюз работников связи УНП 100596568, проверка контрагента, сведения и данные об организации, база организаций
- ↑ Белорусский профессиональный союз работников связи - Сайт Федерации профсоюзов Беларуси