Беларускі сцяг (1922)

З пляцоўкі Вікіпедыя
Jump to navigation Jump to search
Беларускі сцяг
Мова: беларуская
Тыраж:

«Беларускі сцяг» — штомесячны грамадска-палітычны і літаратурны часопіс, орган ураду Беларускай Народнай Рэспублікі.

Выдаваўся ў красавіку — верасні 1922 у Каўнасе на беларускай мове. Рэдактар-выдавец К. Дуж-Душэўскі.

Галоўная мэта выдання, на думку рэдакцыі, заключалася ў абароне незалежнай беларускай дзяржаўнасці, павышэнні грамадскай свядомасці, умацаванні волі да барацьбы шляхам асвятлення ўсіх бакоў беларускага жыцця. Разглядаў палітычныя і грамадскія падзеі ў Заходняй Беларусі, Польшчы, Літве, Латвіі і БССР, узнімаў пытанні вызваленчага руху і будучыні беларускага народа. Публікаваў артыкулы па праблемах барацьбы за адраджэнне і незалежнасць Беларусі.

Некаторыя аўтары: А. Цвікевіч (псеўд. А. Галынец і крыптанімам А. Ц.), В. Ластоўскі, Я. Станкевіч, І. Трызна і інш.

Выйшла 4 нумары.

Літаратура[правіць | правіць зыходнік]

  • Зелянова Г. «Беларускі сцяг» // ЭГБ у 6 т. Т. 1. Мн., 1993. — С.453.