Бластакладыяльныя

Бластакладыяльныя
Chrysophlyctis endobiotica на бульбе
Навуковая класіфікацыя
Дамен:  Эўкарыёты Царства:  Грыбы Аддзел:  Хітрыдыевыя грыбы Клас:  Blastocladiomycetes Парадак:  Бластакладыяльныя
Міжнародная навуковая назва
Blastocladiales H.E. Peterson, 1909
Сінонімы
Allomycetes Caval.-Sm., 1998 (nom. illeg.)
Сямействы
Blastocladiaceae Catenariaceae Clavochytridiaceae Coelomomycetaceae Physodermataceae Sorochytriaceae
Сістэматыка на Віківідах Выявы на Вікісховішчы ITIS   13824 NCBI   4805 EOL   5785 MB   90414

Бластакладыя́льныя (Blastocladiales) — парадак грыбоў, належыць да манатыпнага класа Blastocladiomycetes, які адносяць да хітрыдыевых грыбоў ці да манатыпнага аддзела Blastocladiomycota.

Апісанне

Сапратрофы. Развіваюцца на жывёльных і раслінных субстратах у вадзе, вільготнай глебе. Некаторыя — паразіты беспазваночных жывёл і грыбоў.

Пашырэнне

Да бластакладыяльных адносяць 5 сямействаў, 14 родаў і 179 відаў. Пашыраны ў Еўразіі, Афрыцы, Паўночнай і Паўднёвай Амерыцы. На Беларусі вядома некалькі відаў з родаў аламіцэс (Allomyces), бластакладыя (Blastocladia) сямейства бластакладыевых (Blastocladiaceae) і катэнарыя (Catenaria) сямейства Catenariaceae.

Асаблівасці біялогіі

Філагенетычна бластакладыяльныя — вынік эвалюцыі хітрыдыевых грыбоў, якая ішла шляхам павелічэння вегетатыўнага цела (міцэлію), змены памераў клеткі, пераходу ад ізагаміі да гетэрагаміі, выпрацоўкі ізаморфнай змены пакаленняў.

Міцэлій бластакладыяльных ад простага (амаль плазмодый) да добра развітага. Бясполае размнажэнне адбываецца аднажгуцікавымі зааспорамі. Полавы працэс — ізагамія або гетэрагамія. Для большасці бластакладыяльных характэрна чаргаванне пакаленняў — спарафіта і гаметафіта. На спарафіце ўтвараюцца зоаспарангіі з дыплоіднымі зааспорамі, акрамя таго спарафіт утварае цысты (супакойныя споры). Пры прарастанні цысты з яе выходзяць гаплоідныя зааспоры, якія пасля перыяду актыўнага руху пакрываюцца абалонкай і ўтвараюць гаметафіты з гаметангіямі. Зігота, утвораная ў выніку зліцця гамет, дае пачатак спарафіту.

Сістэматыка

• Сямейства Blastocladiaceae — Бластакладыевыя:
  • Allomyces — Аламіцэс
  • Blastocladia — Бластакладыя
  • Blastocladiella
  • Blastocladiopsis
  • Microallomyces
• Сямейства Catenariaceae:
  • Catenaria — Катэнарыя
  • Catenomyces
  • Catenophlyctis
• Сямейства Coelomomycetaceae:
  • Callimastix
  • Coelomomyces — Цэламаміцэс
• Сямейства Physodermataceae:
  • Physoderma
• Сямейства Sorochytriaceae:
  • Sorochytrium
• Род, не аднесены да сямействаў:
  • Coelomycidium

Літаратура

• Лемяза М. Бластакладыяльныя // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.