Брашоў

Горад
Брашоў
рум.: Braşov
Сцяг Герб
45°39′00″ пн. ш. 25°36′40″ у. д.
Краіна	Румынія
Прымар	George Scripcaru
Гісторыя і геаграфія
Заснаваны	1234
Першая згадка	1234
Плошча	267,32 км²
Вышыня цэнтра	~600 м
Часавы пояс	UTC+2
Насельніцтва
Насельніцтва	278 тыс. чалавек (2009)
Шчыльнасць	1204 чал./км²
Лічбавыя ідэнтыфікатары
Тэлефонны код	+40 268
Паштовы індэкс	500000
Аўтамабільны код	BV
brasovcity.ro
Паказаць/схаваць карты
Брашоў
Медыяфайлы на Вікісховішчы

Брашоў (рум.: Braşov, венг.: Brassó, ням.: Kronstadt) — восьмы па велічыні горад Румыніі, сталіца рэгіёна Брашоў. Знаходзіцца ў цэнтральнай часці краіны, вобласці Трансільванія.

Гісторыя

Кранштацкая крэпасць была заснавана ў 1211 годзе Тэўтонскім ордэнам. Упершыню згадваецца як Брашоў пад 1251 годам. У сярэднявечных дакументах горад называўся рознымі назвамі, як то Браска, Браса, Стэфанопаліс, Кранштат і Брашоў. Дзякуючы ўдаламу геаграфічнаму становішчу і гандлёвым сувязям з Малдовай і Валахіяй, горад стаў адным з самых важных эканамічных цэнтраў Трансільваніі.

Іаганес Гонтэр, правадыр трансільванскіх пратэстантаў, нарадзіўся і памёр у Брашове. Менавіта тут ён арганізаваў першую ў Трансільваніі друкарню ў 1535 годзе, і менавіта тут ўбачыла свет першая друкаваная кніга на румынскай мове. Ужо ў 1559 годзе тут існавала румынамоўная школа — верагодна, першая ў краіне.

У 1987 годзе жыхары Брашова падняліся супраць рэжыму Чаўшэску. Гэтыя падзеі ўвайшлі ў гісторыю як Брашоўскае паўстанне.

Насельніцтва

Насельніцтва Брашова складае 284.596 чалавек (2002). Этнічныя групы:

• Румыны 258.042 (90,66 %)
• Венгры 23.204 (8,54 %)
• Немцы 1.717 (0,6 %)
• Цыганы 762 (0,26 %)
• Іншыя 871 (0,31 %)

Культурныя і гістарычныя помнікі

• Царква Св. Барталамея — самы стары помнік Брашова. Пабудавана ў 1223 годзе.
• Царква Св. Мікалая — пабудавана ў 14 стагоддзі.
• Чорная Царква — царква была пабудавана ў 1380 годзе як Царква Св. Марыі. Сваю сучасную назву яна атрымала, будучы часткова разбурана вялікім пажарам ў 1689 годзе.

Чорная Царква

• Першая румынская школа — вядома з 1495 года. Тут была надрукавана значная частка першых румынскіх кніг.
• Брама Кацярыны — адны з самых старых варот Брашова.

Музеі

• Музей гісторыі
• Музей этнаграфіі
• Музей мастацтва
• Музей першай школы

Канцэртныя залы і тэатры

• Філармонія
• Палац оперы
• Тэатр драмы
• Тэатр марыянеткі

Гарады-пабрацімы

• Д’ёр, Венгрыя
• Касторыя, Грэцыя
• Кемер, Турцыя
• Кліўленд, ЗША
• Ліверпул, Вялікабрытанія
• Мінск, Беларусь
• Нетанія, Ізраіль
• Познань, Польшча
• Рышон-ле-Цыён, Ізраіль
• Тамперэ, Фінляндыя
• Твардагора, Польшча
• Тур, Францыя
• Хольсцебро, Данія

Гл. таксама

• IAR

Спасылкі

• Сайт горада Архівавана 27 жніўня 2005.
• Брашаў. Віртуальная экскурсія Архівавана 29 ліпеня 2012.