Бузіна

Бузіна
Бузіна чорная (Sambucus nigra)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Варсянкакветныя Сямейства:  Адоксавыя Род:  Бузіна
Міжнародная навуковая назва
Sambucus L. (1753)
Сістэматыка на Віківідах Выявы на Вікісховішчы ITIS   35315 NCBI   4201 EOL   38451 GRIN   g:10679 IPNI   6117 FW   22769

Бузіна (Sambucus) — род кветкавых раслін сямейства бружмелевыя.

Апісанне

Высокія кусты або невялікія дрэвы вышынёй да 10 метраў, зрэдку шматгадовыя травяністыя расліны. Лісце няпарнаперыстае з непрыемным пахам. Кветкі дробныя, белыя, жоўтыя, крэмавыя, зеленаватыя, іншы раз ружовыя або чырвоныя, у верхавінкавых шчыткападобных або мяцёлчатых суквеццях. Плод — сакаўная ягадападобная касцянка.

Пашырэнне

Існуе каля 25 відаў. Пашыраны ва ўмераных і субтрапічных шыротах. На Беларусі як здзічэлыя і натуралізаваныя трапляюцца бузіна гронкавая, або чырвоная (Sambucus racemosa), бузіна чорная (Sambucus nigra) і бузіна травяністая, або бузнік (Sambucus ebulus). У Цэнтральным батанічным садзе НАН РБ вырошчваюць 6 інтрадукаваных відаў: бузіна Зібальда (Sambucus sieboldiana), бузіна камчацкая (Sambucus kamtschatica), бузіна канадская (Sambucus canadensis), бузіна карэйская (Sambucus coreana), бузіна пушыстая (Sambucus pubens) і бузіна сібірская (Sambucus sibirica).

Гаспадарчае значэнне

Дэкаратыўныя, лекавыя, харчовыя, тэхнічныя, меданосныя, ядавітыя (кара мае алкалоід самбуцын), інсектыцыдныя і фітанцыдныя расліны.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).

Спасылкі

• Бузина: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)