Вадзім Якаўлевіч Пыхцін

Вадзім Якаўлевіч Пыхцін
Дата нараджэння	7 лютага 1938(1938-02-07)
Месца нараджэння	Бобрынэць, Бобрынэцкі раён, Мікалаеўская вобласць, УССР, СССР
Дата смерці	22 кастрычніка 1997(1997-10-22) (59 гадоў)
Грамадзянства	СССР  Беларусь
Род дзейнасці	інжынер, навуковец
Месца працы	НДІЭВМ Мінскае вышэйшае інжынернае зенітна-ракетнае вучылішча
Навуковая ступень	доктар тэхнічных навук (1990)
Навуковае званне	прафесар
Альма-матар	Маскоўскі энергетычны інстытут (1955)
Навуковы кіраўнік	Георгій Паўлавіч Лапато
Прэміі
Узнагароды

Вадзім Якаўлевіч Пы́хцін (руск.: Вадим Яковлевич Пыхтин; 7 лютага 1938 — 22 кастрычніка 1997) — вучоны і канструктар у галіне вылічальнай тэхнікі, доктар тэхнічных навук (1990). Брат А. Я. Пыхціна.

Біяграфія

Нарадзіўся ў горадзе Бобрынэць (Кіраваградская вобласць, Украіна). У 1955 годзе скончыў Маскоўскі энергетычны інстытут. З красавіка 1955 па красавік 1962 года працаваў у Пензенскім філіяле СКБ-245. З красавіка 1962 кастрычнік 1963 года працаваў на заводзе «Прамень» у Кішынёве, дзе кіраваў групай і займаў пасаду галоўнага інжынера. З 1965 (з 1971) года В. Я. Пыхцін ў НДІЭВМ у Мінску, дзе ў 1987—1984 гадах займаў пасаду дырэктара. Адначасова ў 1973—1984 гадах — прафесар кафедры інфармацыйна-вылічальных сістэм Мінскага вышэйшага зенітнага ракетнага вучылішча.

Навуковая дзейнасць

Аўтар навуковых прац па вылічальнай тэхніцы. Прымаў удзел у распрацоўцы ЭВМ «Урал», быў намеснікам галоўнага канструктара Адзінай сістэмы ЭВМ (ЕС ЭВМ), галоўным канструктарам перыферыйных прылад ЭВМ «Мінск» і ЕС ЭВМ, галоўным канструктарам ЭВМ ЕС7920. Аўтар шэрагу вынаходстваў.

Сярод апублікаваных прац:

• Некоторые вопросы организации ЭВМ широкого применения: Автореферат дис. на соискание ученой степени кандидата технических наук. (05.252) / Ин-т точной механики и вычислит. техники АН СССР. — М.: [б. и.], 1970.
• Электронная вычислительная машина «Минск-32». — М., 1972 (разам з В. У. Пржыялкоўскім і Г. Дз. Смірновым).

Узнагароды

• Ордэн Кастрычніцкай Рэвалюцыі
• Ордэн Працоўнага Чырвонага Сцяга
• Прэмія Ленінскага камсамола (1970)
• Дзяржаўная прэмія СССР (1983)

Літаратура

• Савік М. П. Пыхцін Вадзім Якаўлевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 153. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Вучоныя Беларусі: Пыхцін, Вадзім Якаўлевіч (доктар тэхнічных навук; вылічальная тэхніка; 1938—1997) // Нацыянальная бібліятэка Беларусі
• История кафедры вычислительной техники МЭИ // Виртуальный компьютерный музей (руск.)
• Ветераны НИИЭВМ // Виртуальный компьютерный музей (руск.)
• Учёные МВИЗРУ — лауреаты Государственных премий СССР и БССР // Журнал «Воздушно-космическая оборона» Архівавана 7 мая 2021. (руск.)
• Баландин К. И. Уроженцы Беларуси — лауреаты Нобелевской, Демидовской, Ленинской и Государственной премий СССР. — Мн., БНТУ, 2017. (руск.)