Валянціна Васілеўна Пражэева

Валянціна Васілеўна Пражэева
Дата нараджэння	28 сакавіка 1943(1943-03-28)
Месца нараджэння	Свярдлоўск, Свярдлоўская вобласць, РСФСР, СССР
Дата смерці	9 красавіка 2023(2023-04-09) (80 гадоў)
Месца смерці	Мінск, Беларусь
Адукацыя	Рэспубліканскія курсы рэжысёраў пры Міністэрстве культуры БССР[d] (1962)
Прафесія	лялечнік
Тэатр	Беларускі дзяржаўны тэатр лялек
Узнагароды

Валянціна Васілеўна Пражэева (28 сакавіка 1943, Свярдлоўск, СССР — 9 красавіка 2023, Мінск, Беларусь) — беларуская артыстка тэатра лялек. Заслужаны артыст Рэспублікі Крым (2001).

Біяграфія

Скончыла ў 1962 годзе Рэспубліканскія курсы пры Міністэрстве культуры Беларусі па спецыяльнасці «рэжысура народных тэатраў». 3 1963 года артыстка Беларускага дзяржаўнага тэатра лялек. На фарміраванне творчай асобы Пражэевай паўплываў Ан. А. Ляляўскі.

Творчасць

Разнапланавая артыстка. Прафесійнае валоданне лялькамі розных сістэм, праца ў драматычным плане, выразная моўная характарнасць дазваляюць актрысе ствараць яркія запамінальныя вобразы. Сярод роляў: у спектаклях для дзяцей — Мачаха («Папялушка» Т. Габэ), тыграня Петрык («Тыграня Петрык» Х. Янушэўскай), Кібальчыш («Ваенная тайна» паводле А. Гайдара), шчаня Мікі («Блакітнае шчаня» Дз. Урбана), Баба-Яга («Васіліса Прыгожая» К. Чарняк), Фімушка («Званы-лебедзі» Л. Браўсевіча і І. Карнавухавай; лаўрэат фестывалю тэатраў лялек Прыбалтыкі і Беларусі, г. Каўнас, Літва, 1971), Баба («Дзед і Жораў» В. Вольскага; лаўрэат фестывалю тэатраў лялек Прыбалтыкі і Беларусі, Мінск, 1974); у спектаклях для дарослых — прынцэса Дысперанда («Чортаў млын» І. Штока), Галатэя («Цудоўная Галатэя» Б. Гадар і С. Дарваша), Ева («Боская камедыя» Штока), дачка Бабы-Ягі («Да трэціх пеўняў» В. Шукшына), дзяўчына Машка («Ляўша» У. Канстанцінава і Б. Рацэра паводле М. Ляскова), Эльвіра Рэнесанс («Клоп» У. Маякоўскага), фрау Босенгейм («Прыгоды бравага салдата Швейка» паводле Я. Гашака), Шарлота («3 Парыжам скончана!..» паводле п’есы А. Чэхава «Вішнёвы сад») і інш. Дыпломы Міжнародных фестываляў тэатраў лялек.

Літаратура

• С. Ф. Юркевіч. Пражэева Валянціна Васілеўна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

Спасылкі

• Валянціна Васілеўна Пражэева на сайце анлайн-энцыклапедыі «Беларусь у асобах і падзеях»