Варонічы (возера)
| Варонічы | |
|---|---|
 Возера з Варонецкага замчышча | |
| Морфаметрыя | |
| Вышыня над узроўнем мора | 128,6 м |
| Даўжыня | 4,9 км |
| Шырыня | 0,55 км |
| Плошча | 1,18 км² |
| Аб’ём | 0,0028 км³ |
| Даўжыня берагавой лініі | 13,1 км |
| Найбольшая глыбіня | 5,9 м |
| Сярэдняя глыбіня | 2,3 м |
| Басейн | |
| Плошча вадазбору | 793 км² |
| Упадаюць | рака Ушача |
| Выцякаюць | рака Ушача |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Варонічы |
|
|
|
|
 Варонічы |
|
 |
|
 Медыяфайлы на Вікісховішчы | |
Варо́нічы, Варонеч, Варонец — возера ў Полацкім раёне Віцебскай вобласці ў басейне ракі Ушача (цячэ праз возера), за 16 км у напрамку на паўднёвы захад ад Полацка, каля вёскі Варонічы.
Плошча паверхні возера 1,18 км². Даўжыня 4,9 км, найбольшая шырыня 0,55 км. Даўжыня берагавой лініі 13,1 км. Найбольшая глыбіня 5,9 м, сярэдняя 2,3 м. Аб’ём вады 2,8 млн. м³. Плошча вадазбору 793 км².
Катлавіна возера лагчыннага тыпу, моцна выцягнутая ў напрамку з поўначы на поўдзень. Схілы катлавіны вышынёй 2—8 м (заходнія і паўднёва-заходнія 10—18 м). Берагавая лінія звілістая. Берагі нізкія, тарфяністыя, на ўсходзе месцамі высокія, зліваюцца са схіламі катлавіны. На поўначы берагі возера сплавінныя (шырыня сплавіны 5—15 м). Дно возера роўнае, выслана сапрапелем, у паўднёвай частцы — апясчаненым ілам. На возеры 2 астравы ў паўночнай і цэнтральнай частках, Больш за 60 % плошчы возера зарастае, шырыня паласы расліннасці 15—150 м. Расліннасць пашыраецца да глыбіні 3—3,4 м. На захадзе ўпадае ручай з возера Півянец.
Літаратура
[правіць | правіць зыходнік]- Варо́нічы, Варонеч // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — С. 88—89. — 415 с. — 10 000 экз. — ISBN 5-85700-133-1.
- Міронаў В. Р. Варо́нічы, Варонеч // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 415. — 575 с., іл. — 10 000 экз.
- Белорусская ССР: Краткая энциклопедия. В 5-ти т. Т.2 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 2. — 768 с. — 50 000 экз. (руск.)
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 20. — 72 с. — 10 000 экз. — ISBN 978-985-508-136-5. (руск.)
- Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
- Воронец // Ліст карты N-35-22. Выданне 1987 года. Стан мясцовасці на 1986 год. (руск.)
Спасылкі
[правіць | правіць зыходнік]- Возера Варонічы Архівавана 18 лютага 2014.