Васіль Аляксандравіч Дзямідаў

Васіль Аляксандравіч Дзямідаў
Дата нараджэння	12 красавіка 1921(1921-04-12)
Месца нараджэння	Чарэя, Сенненскі павет, Віцебская губерня, РСФСР
Дата смерці	11 чэрвеня 1989(1989-06-11) (68 гадоў)
Месца смерці	Віцебск, Віцебская вобласць, БССР, СССР
Месца пахавання	Віцебск
Грамадзянства	СССР
Прыналежнасць	СССР
Род войскаў	авіяцыя, РВСП
Гады службы	1940—1961
Званне	падпалкоўнік
Бітвы/войны	Вялікая Айчынная вайна
Узнагароды і званні

Васіль Аляксандравіч Дзямідаў (12 красавіка 1921, вёска Чарэя, Чашніцкі раён, Віцебская вобласць — 11 чэрвеня 1989, Віцебск) — ваенны лётчык 1-га класа, удзельнік Вялікай Айчыннай вайны. Герой Савецкага Саюза (1945).

Біяграфія

В. А. Дзямідаў нарадзіўся у вёсцы Чарэя. У 1939 годзе паступіў у Віцебскі аэраклуб, які скончыў у 1940 годзе. У Чырвонай Арміі з 1940 года. У 1942 годзе скончыў Омскую ваенную авіяцыйную школу пілотаў. Праходзіў службу ў 1-й вучэбна-трэніровачнай авіяцыйнай брыгадзе ў Маскоўскай ваеннай акрузе. З сакавіка 1943 г. ваяваў на Заходнім, 1-м Прыбалтыйскім і 3-м Беларускім франтах. Старшы лейтэнант В. Дзямідаў, камандзір звяна асобнага разведвальнага авіяпалка, да 1 сакавіка 1945 г. зрабіў 226 баявых вылетаў. Удзельнік Арлоўскай, Смаленскай, Віцебскай зімовай, Беларускай, Прыбалтыйскай, Усходне-Прускай наступальных аперацый.

Званне Героя Савецкага Саюза прысвоена ў 1945 годзе.

Пасля вайны В. А. Дзямідаў працягваў службу ў Ваенна-паветраных сілах СССР. У 1955 годзе скончыў Ваенна-паветраную акадэмію, у 1956 годзе — Разанскую афіцэрскую школу баявога прымянення. Служыў на пасадах камандзіра авіяцыйнай эскадрыллі, намесніка камандзіра і камандзіра авіяцыйнага палка. З 1960 г. у Ракетных войсках стратэгічнага прызначэння — камандзір ракетнага палка ў горадзе Умань.

З 1961 г. падпалкоўнік В. А. Дзямідаў у запасе. Жыў у Віцебску. Працаваў выкладчыкам пачатковай ваеннай падрыхтоўкі у сярэдняй школе № 21, дыспетчарам Віцебскага аэрапорта. З 1980 года В. А. Дзямідаў на пенсіі. Памёр і пахаваны ў Віцебску.

Узнагароды

• Медаль «Залатая Зорка»
• Ордэн Леніна
• 4 ордэны Чырвонага Сцяга
• Ордэн Айчыннай вайны 1-й ступені
• 2 ордэны Айчыннай вайны 2-й ступені
• Ордэн Багдана Хмяльніцкага 3-й ступені
• Ордэн Чырвонай Зоркі
• медалі

Памяць

Мемарыяльная дошка ў Віцебску на доме, дзе жыў В. А. Дзямідаў.

Літаратура

• Дзямідаў Васіль Аляксандравіч // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 140. — 10 000 экз. — ISBN 985-11-0035-8. — ISBN 985-11-0106-0 (т. 6).
• Дзямідаў Васіль Аляксандравіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 193. — 680 с. — 20 000 экз. — ISBN 5-85700-012-2.
• Памяць: Гіст.-дакументальная хроніка Віцебска: У 2-х кн. Кн. 1-я / Рэд. кал.: Г. П. Пашкоў (гал. рэд.) і інш.. — Мн.: БелЭн, 2002. — 648 с. — 5 000 экз. — ISBN 985-11-0246-6.

Спасылкі

• Васіль Аляксандравіч Дзямідаў на сайце «Героі краіны»
• Василий Александрович Демидов Герой Советского Союза, лётчик 10 ОРАП (руск.)
• Демидов Василий Александрович // Интернет-портал Минобороны России (руск.)
• Герои Советского Союза // Информационный портал города Чашники Архівавана 29 лістапада 2014. (руск.)