Васіль Георгіевіч Сярогін

Васіль Георгіевіч Сярогін
Васіль Георгіевіч Сярогін
	Василий Георгиевич Серёгин
Мянушка	«Капітан Таццяна»
Дата нараджэння	12 сакавіка 1915
Месца нараджэння	Ломінцава[d], Крапівінскі павет[d], Тульская губерня, Расійская імперыя;
Дата смерці	10 жніўня 1996 (81 год)
Месца смерці	Гомель, Гомельская вобласць, Беларусь;
Месца пахавання	Гомель;
Грамадзянства	СССР;
Прыналежнасць	СССР
Род войскаў	авіяцыя
Гады службы	1939—1958
Званне	Палкоўнік ВПС СССР
Бітвы/войны	Вялікая Айчынная вайна, ; Вайна ў Карэі
	Медаль «За ўзяцце Кёнігсберга»
	Афіцэр ордэна Ганаровага легіёна

Васіль Георгіевіч Сярогін (1915—1996) — палкоўнік Савецкай Арміі, удзельнік Вялікай Айчыннай вайны, Герой Савецкага Саюза (1948).

Біяграфія

Васіль Сярогін нарадзіўся 12 сакавіка 1915 года ў вёсцы Ломінцава^[2] (цяпер — Шчокінскі раён Тульскай вобласці).

Скончыў дзесяць класаў школы, школу фабрычна-заводскага вучнёўства, аэраклуб і Ульянаўскую школу лётчыкаў-інструктараў Грамадзянскага паветранага флоту, пасля чаго працаваў пілотам-інструктарам у Кіраўскім аэраклубе. У 1939 годзе Сярогін быў прызваны на службу ў Рабоча-сялянскую Чырвоную Армію. У 1940 годзе ён скончыў Пермскую ваенную авіяцыйную школу пілотаў. З пачатку Вялікай Айчыннай вайны — на яе франтах^[3].

Адразу пасля нападу фашыстаў на СССР Васіль падаў рапарт з просьбай адправіць яго на фронт. Праз усяго некалькі дзён у складзе 168-га знішчальнага авіяпалка ён ужо змагаўся з вопытнымі нямецкімі асамі ў небе над Адэсай^[4]^[5].

В. Г. Сярогін прайшоў шлях ад лётчыка да камандзіра эскадрыллі 18-га гвардзейскага Віцебскага двойчы Чырванасцяжнай ордэна Суворава II ступені знішчальнага авіяцыйнага палка. Да красавіка 1945 года маёр Васіль Сярогін быў штурманам 303-й знішчальнай авіядывізіі 1-й паветранай арміі 3-га Беларускага фронту. Да таго часу ён здзейсніў 332 баявых выляты прыняў удзел у 35 паветраных баях, збіў 16 варожых самалётаў асабіста і яшчэ 8 — у складзе групы^[3].

Указам Прэзідыума Вярхоўнага Савета СССР ад 23 лютага 1948 года маёр Васіль Сярогін быў удастоены высокага звання Героя Савецкага Саюза з уручэннем ордэна Леніна і медалі «Залатая Зорка» за нумарам 8306^[3].

Пасля заканчэння вайны Сярогін працягнуў службу ў Савецкай Арміі. У 1958 годзе ў званні палкоўніка быў звольнены ў запас. Пражываў і працаваў у Гомелі. Актыўна займаўся грамадскай дзейнасцю. Памёр 10 жніўня 1996 года, пахаваны ў Гомелі^[3].

Ганаровы грамадзянін Парыжа. Быў узнагароджаны двума ордэнамі Леніна, шасцю ордэнамі Чырвонага Сцяга, ордэнам Аляксандра Неўскага, двума ордэнамі Айчыннай вайны 1-й ступені, двума ордэнамі Чырвонай Зоркі, шэрагам медалёў і замежных узнагарод^[3], у тым ліку ордэнам Ганаровага легіёна, які яму ў Парыжы, у 1961 годзе ўручыў Прэзідэнт Французскай рэспублікі Шарль дэ Голь^[6]

Памяць

У гонар Сярогіна названая школа ў яго родным сяле.
У 2015 годзе на падставе рашэння тапанімічнай камісіі Гомельскага гарвыканкама 4-я Праектаваная вуліца ў 59-м мікрараёне (Шведская Горка) у Гомелі атрымала імя Васіля Сярогіна^[7].
Стэла ў гонар В. Г. Сярогіна ўстаноўлена на Алеі Герояў у Гомелі (вул. Савецкая).
У гонар 100-годдзя з дня нараджэння В. Г. Сярогіна ветэранская арганізацыя палка, у якім ён ваяваў, выпусціла памятную медаль «Капітан Таццяна».

Зноскі

↑ Сайт ветэранаў Архівавана 19 чэрвеня 2018. 18-га гвардзейскага Віцебскага двойчы Чырвонасцяжнага ордэнаў Суворава II-й ступені и Ганаровага Легіёна авіяцыйнага палка «Нармандыя-Неман»
↑ Щекинцы — Герои Советского Союза Архівавана 6 жніўня 2016.
1 2 3 4 5 Васіль Георгіевіч Сярогін на сайце «Героі краіны»
↑ Р. Титов. «Капитан Татьяна»: от Кирова до «Аллеи МиГов» / Р.Титов //Родина. — 2013. — № 8. - С. 38 — 39.
↑ Виталий Орлов. Завтра была война… Час Пик, № 26(581) 24.06.2012
↑ В Тульской области ученики стреляли по окнам школы // Молодой коммунар, 27.10.2012 Архівавана 18 студзеня 2017.
↑ Имена Героев увековечат в названиях улиц нового микрорайона Гомеля (нявызн.)(недаступная спасылка). Редакции газеты «Советский район» (23 лютага 2015). Архівавана з першакрыніцы 18 снежня 2017. Праверана 29 ліпеня 2018.

Літаратура

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Захаров Г. Н. Я — истребитель. — М.: Воениздат, 1985.

[1] Сайт ветэранаў Архівавана 19 чэрвеня 2018. 18-га гвардзейскага Віцебскага двойчы Чырвонасцяжнага ордэнаў Суворава II-й ступені и Ганаровага Легіёна авіяцыйнага палка «Нармандыя-Неман»

[2] Щекинцы — Герои Советского Союза Архівавана 6 жніўня 2016.

[wh-3] 1 2 3 4 5 Васіль Георгіевіч Сярогін на сайце «Героі краіны»

[4] Р. Титов. «Капитан Татьяна»: от Кирова до «Аллеи МиГов» / Р.Титов //Родина. — 2013. — № 8. - С. 38 — 39.

[5] Виталий Орлов. Завтра была война… Час Пик, № 26(581) 24.06.2012

[6] В Тульской области ученики стреляли по окнам школы // Молодой коммунар, 27.10.2012 Архівавана 18 студзеня 2017.

[7] Имена Героев увековечат в названиях улиц нового микрорайона Гомеля (нявызн.)(недаступная спасылка). Редакции газеты «Советский район» (23 лютага 2015). Архівавана з першакрыніцы 18 снежня 2017. Праверана 29 ліпеня 2018.

[1]

[2]

[3]

[4]

[5]

[6]

[7]