Васіль Іванавіч Качалаў

Васіль Качалаў
Імя пры нараджэнні	Васіль Іванавіч Шверубовіч
Дата нараджэння	30 студзеня (11 лютага) 1875
Месца нараджэння	Вільня, Віленскі павет, Віленская губерня, Расійская імперыя
Дата смерці	30 верасня 1948(1948-09-30) (73 гады)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Жонка	Ніна Мікалаеўна Літоўцава[d]
Дзеці	Вадзім Васілевіч Шверубовіч[d]
Адукацыя	Санкт-Пецярбургскі дзяржаўны ўніверсітэт
Прафесія	акцёр, тэатральны педагог
Тэатр	Маскоўскі Мастацкі тэатр
Прэміі
Узнагароды	Медаль «За доблесную працу ў Вялікай Айчыннай вайне 1941-1945 гг.»
IMDb	ID 0434148
Медыяфайлы на Вікісховішчы

Васіль Іванавіч Качалаў (сапраўднае прозвішча — Шверубовіч, 30.1(11.2).1875, Вільня — 30 верасня 1948, Масква) — савецкі акцёр, народны артыст СССР (1936).

Біяграфія

Нарадзіўся 30 студзеня (11 лютага) 1875 года ў Вільні ў сям’і святара. Па паходжанні беларус.

Студэнтам юрыдычнага факультэта Пецярбургскага ўніверсітэта займаўся ў тэатральным гуртку. Працаваў у Тэатры А. С. Суворына (Пецярбург, 1896-97), Таварыстве М. М. Барадая (Казань, Саратаў, 1897—1900). З 1900 — у трупе Маскоўскага Мастацкага тэатра. Качалаў валодаў выключнай артыстычнасцю, велізарным сцэнічным абаяннем, рэдкім па музычнасці голасам.

Качалаў выступаў на эстрадзе з выкананнем вершаў і прозы, а таксама літаратурна-музычных і драматычных кампазіцый (аўтарам якіх быў ён сам), граючы часам сцэны з удзелам некалькіх персанажаў — з «Юлія Цэзара», «Гамлета» Шэкспіра, «На дне» Горкага і інш.

Памёр 30 верасня 1948 года ў Маскве. Пахаваны ў Маскве на Новадзявочых могілках.

Узнагароды

• Заслужаны артыст РСФСР (1924),
• народны артыст РСФСР (1927),
• народны артыст СССР (1936),
• Сталінская прэмія 1 ступені (1943),
• два ордэны Леніна,
• ордэн Працоўнага Чырвонага Сцяга.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).