Доўгае (возера, Расонскі раён)

Доўгае
Морфаметрыя
Вышыня над узроўнем мора	148,2 м
Даўжыня	1,2 км
Шырыня	0,5 км
Плошча	0,48 км²
Аб’ём	0,0016 км³
Даўжыня берагавой лініі	3,1 км
Найбольшая глыбіня	5,6 м
Сярэдняя глыбіня	3,3 м
Гідралогія
Салёнасць	да 0,19 ‰
Празрыстасць	1,3 м
Басейн
Плошча вадазбору	1,9 км²
Упадаюць	пратока
Выцякаюць	пратока
Размяшчэнне
Краіна	Беларусь
Рэгіён	Віцебская вобласць
Доўгае
Доўгае

До́ўгае — возера ў Расонскім раёне Віцебскай вобласці ў басейне ракі Нешчарда, за 16 км у напрамку на ўсход ад гарадскога пасёлка Расоны.

Плошча паверхні возера 0,48 км². Даўжыня 1,2 км, найбольшая шырыня 0,5 км, даўжыня берагавой лініі 3,1 км. Найбольшая глыбіня дасягае 5,6 м, сярэдняя 3,3 м. Плошча вадазбору 1,9 км². Аб'ём вады ў возеры 1,6 млн. м³.
Катлавіна Доўгага возера тэрмакарставага тыпу, выцягнутая ў напрамку з поўначы на поўдзень. Схілы катлавіны спадзістыя, вышынёй 2—4 м. Берагавая лінія слабазвілістая. Берагі ў асобных месцах забалочаныя. Мелкаводдзе да глыбіні 2 м пясчанае, глыбей дно возера выслана сапрапелем (магутнасць слою да 8 метраў).
Возера эўтрофнае, слабапраточнае. Злучана пратокамі з азёрамі Нешчарда і Круглае. Зарастае слаба. Прыбярэжная расліннасць распаўсюджваецца на адлегласці 15—30 м ад берага.

У возеры водзяцца шчупак, лешч, плотка, гусцяра, акунь, краснапёрка, лінь і іншыя рыбы.

Літаратура

• Беларуская энцыклапедыя: У 18 т. Т.6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — Т. 6. — 576 с. — 10 000 экз. — ISBN 985-11-0106-0 (т. 6).
• Рачэўскі А. М. Доўгае возера // Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 13, 45. — 72 с. — 10 000 экз. — ISBN 978-985-508-136-5. (руск.)

Спасылкі

• Доўгае Архівавана 14 жніўня 2013.