Лешч

З пляцоўкі Вікіпедыя
Перайсці да: рух, знайсці
Лешч
Abramis brama Hungary.jpg
Навуковая класіфікацыя
Міжнародная навуковая назва

Abramis brama Linnaeus, 1758

Ахоўны статус
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   163666
NCBI   38527
EOL   205715

Лешч (Abramis brama) — рыба сямейства карпавых атраду карпападобных.

Апісанне[правіць | правіць зыходнік]

Цела высокае, пляскатае з бакоў, вышыня яго ў 3 разы большая за таўшчыню. Даўжыня да 39 (зрэдку да 50-75) см, маса да 1 (зрэдку да 5—6) кг. Бакі серабрыстыя з залацістым адлівам, спіна шаравата-зялёная. Спінны плаўнік высокі, кароткі, анальны доўгі, заходзіць на хваставое сцябло. Луска тоўстая, шчыльная.

Моладзь ляшча (часта называюць «падлешчыкамі») мае серабрыстую афарбоўку.

Пашырэнне[правіць | правіць зыходнік]

Пашыраны ў рэках, азёрах, вадасховішчах Еўропы, акліматызаваны ў векаторых азёрах Сібіры, Казахстана. На Беларусі водзіцпа ва ўсіх рэках, вадасховішчах і ў большасці азёр.

Паўпрахадная і жылая формы. Прыдонная рыба, жыве чародамі, пераважна ў месцах з павольнай плынню, ямамі, заглееным дном.

Асаблівасці біялогіі[правіць | правіць зыходнік]

Корміцца ракападобнымі, малюскамі, раслінамі, маляўкі — зоаплапктонам.

Полавая спеласць на 4—6-м годзе жыцця. Нерастуе з канца красавіка да пачатку чэрвеня ў прыбярэжнай зоне вадаёмаў, пры тэмпературы вады вышэй за 11 °С. Ікру адкладвае ў зарасніках падводных раслін. Плоднасць да 600 тыс. ікрынак.

Промысел, кулінарнае значэнне[правіць | правіць зыходнік]

Аб'ект промыслу. Рыбаловы-аматары ловяць ляшча на хлеб, гарох, кашы, цеста і іншыя прынады расліннага паходжання.

Мяса нятлустае, вельмі касцістае, смакам нагадвае карпа. Можна варыць, гатаваць у жэле, смажыць (сатэ, або паніраваць)[1].

Зноскі

  1. Белы А. Лешч // Праект «Наша ежа»

Літаратура[правіць | правіць зыходнік]

  • Жукаў Л. Лешч // Энцыклапедыя прыроды Беларусі. У 5 т. Т. 3. — Мн.: БелСЭ, 1984.

Спасылкі[правіць | правіць зыходнік]