Манда
| Манда | |
|---|---|
| суахілі Manda | |
 Руіны Таква | |
| Характарыстыкі | |
| Плошча | 62 км² |
| Размяшчэнне | |
| 2°16′ пд. ш. 40°58′ у. д.HGЯO | |
| Акваторыя | Індыйскі акіян |
| Краіна | |
 | |
 Медыяфайлы на Вікісховішчы | |
Манда (суахілі: Manda) — востраў у Індыйскім акіяне, частка архіпелага Ламу. Уваходзіць у склад Кеніі. Тэрыторыя — 62 км².
Геаграфія[правіць | правіць зыходнік]
Востраў Манда знаходзіцца ля паўночна-усходняга ўзбярэжжа Кеніі. Аддзелены ад Афрыканскага кантынента вузкім пралівам, які напаўняецца вадой толькі падчас прыліву. Мае часткова мацерыковае, часткова каралавае паходжанне. Берагі часткова пакрыты манграмі. На поўначы і ўсходзе вострава ўздымаюцца высокія пясчаныя выдмы, якія спрыялі захаванню Манды падчас цунамі 26 снежня 2004 года.
Клімат экватарыяльны засушлівы. Сярэднегадавая колькасць ападкаў не перавышае 500 мм у год. Прэсную ваду здабываюць у калодзежах і назапашвальніках дажджавой вільгаці джабія, якіх аднак не хапае. У спякотныя месяцы ваду прывозяць з горада Ламу на суседнім востраве Ламу.
Гісторыя[правіць | правіць зыходнік]
Відавочна, востраў Манда з'яўляецца адным з самых ранніх месцаў, дзе пачала развівацца цывілізацыя суахілі. Археолагамі выяўлены рэшткі гандлёвага паселішча IX - XII стагоддзяў. Яго насельнікі мелі сталыя кантакты з Афрыканскім узбярэжжам, краінамі Персідскага заліва і Міжземнамор'я. Гандлявалі слановай косцю, жалезам і ракавінамі каўры. Знойдзены рэшткі вялікай плавільні, ірыгацыйных і абарончых збудаванняў з каралавых блокаў і абпаленай цэглы. Важную ролю мела сельская гаспадарка. Паселішча займала каля 16 км² і было населена некалькімі тысячамі жыхароў.
У паўднёва-усходняй частцы вострава захаваліся руіны паселішча Таква, якое існавала ў XV - XVII стст. і было пакінута ў сувязі з карнымі рэйдамі партугальцаў. Найлепш захаваліся рэшткі вялікай Пятніцкай мячэці, пабудаванай у XVI ст.
Інфраструктура[правіць | правіць зыходнік]
Востраў Манда — самы маланаселены з усіх астравоў архіпелага Ламу. На ім месціцца некалькі вёсак, жыхары якіх займаюцца земляробствам (вырошчваюць тытунь, бавоўну і зёлкавыя) і кабатажным суднаходствам.
Дзейнічае аэрапорт, што абслугоўвае ўвесь архіпелаг Ламу. Да 2011 г. паспяхова развіваўся экалагічны і культурны турызм. Прыток турыстаў быў часова спынены з-за дзейнасці самалійскіх піратаў.
Спасылкі[правіць | правіць зыходнік]
- Манда на footprinttravelguides.com Архівавана 22 красавіка 2017.
- Гісторыя
- Кітайскія археолагі цікавяцца востравам Манда
- Таква Архівавана 11 лістапада 2013.
