Восіп Каліст Юдзіцкі

Восіп Каліст Юдзіцкі
Юдзіцкі
Смерць	1844
Род	Юдзіцкія[d]
Член у	Віленскае медыцынскае таварыства[d]
Адукацыя	Імператарскі Віленскі ўніверсітэт (1810)
Навуковая ступень	доктар медыцыны (1811)

Восіп Каліст Юдзіцкі (руск.: Осип-Каллист Юдицкий, польск.: Józef Kalasanty Judycki; ? — канец 1850-х гадоў) — ваенны ўрач. Доктар медыцыны (1811).

Біяграфія

Паходзіў са шляхецкага роду Юдзіцкіх герба ўласнага «Радван зменены».

Пасля заканчэння Віленскага ўніверсітэта ў 1810 годзе працаваў ваенным урачом. У 1811 годзе абараніў дысертацыю «De hepatitide», атрымаўшы ступень доктара медыцыны.

У 1812 годзе прызначаны ў Порхаўскі ваенны шпіталь, а ў наступным годзе знаходзіўся ў абсервацыйнай арміі Лабанава-Растоўскага. Пераведзены ў 1815 годзе ў Беластоцкі ваенны шпіталь, Юдзіцкі праз год быў прызначаны ардынатарам у Заблудаўскі ваенны часовы шпіталь і ў тым жа годзе быў прызначаны галоўным урачом у Вінніцкі ваенны шпіталь.

У 1817 годзе перавёўся ў 22-ю артылерыйскую брыгаду і ў тым жа годзе выйшаў у адстаўку.

Член Віленскага медыцынскага таварыства.

Памёр у канцы 1850-х гадоў.

Літаратура

• Юдзіцкія // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.
• Л. Ф. Змеев, «Русские врачи-писатели», тетрадь 2, стр. 174.