Вуліца Мянжынскага (Магілёў)
| Вуліца Мянжынскага Магілёў | |
|---|---|
.jpg) | |
| Агульная інфармацыя | |
| Краіна | Беларусь |
| Рэгіён | Магілёўская вобласць |
| Горад | Магілёў |
| Раён | Ленінскі раён |
| Працягласць | 0,92 км |
 Медыяфайлы на Вікісховішчы | |
Вуліца Мянжы́нскага — вуліца ў Ленінскім раёне Магілёва.
Гісторыя[правіць | правіць зыходнік]
Гістарычная назва — Малое Завалле. У 1939 годзе перайменавана ў гонар савецкага дзяржаўнага і партыйнага дзеяча Вячаслава Мянжынскага. Сучаснае аблічча вуліцы пачало фарміравацца ў канцы 1940 — пачатку 1950-х гадоў калі, паводле генплана 1947—1950 гадоў пачалася рэканструкцыя цэнтральнай часткі горада. Паводле генплана 1980—1981 гадоў вуліца ўваходзіла ў зону забудовы цэнтральнага планіровачнага раёна[1].
Размяшчэнне[правіць | правіць зыходнік]
Арыентавана з паўднёвага захаду на паўночны ўсход. Размешчана паміж вуліцамі Леванеўскага і Вароўскага, да якіх паралельна. З’яўляецца працягам завулка Глінкі, пачынаецца ад вуліцы Чалюскінцаў, з паўночнага захаду прымыкае Невельскі завулак, перасякае вуліцу Прамысловую, ізноў з паўночнага захаду прымыкаюць Іжэўская вуліца і завулак Мянжынскага, з паўднёвага ўсходу — вуліца Пляханава, абрываецца схілам даліны Струшні. Даўжыня вуліцы складае каля 0,92 км.
Забудова[правіць | правіць зыходнік]
У вулічнай забудове пераважаюць 2-павярховыя, пераважна жылыя дамы[1].
.jpg)
- (вул. Чалюскінцаў, 54) — чатырохпавярховы жылы дом. Сваю мянушку «шэры дом» ён атрымаў у 1930-я гады, калі быў пабудаваны і пафарбаваны ў шэры колер. На першым паверсе размяшчаўся гастраном, які насіў такую ж назву. Пазней краму перанеслі ў дом праз дарогу, але яна так і не згубіла сваю назву. У доме правёў сваё дзяцінства і юнацтва расійскі поп-спявак Барыс Маісееў[2].
.jpg)
- № 14 — Сярэдняя школа № 11. У будынку школы ў 1941 годзе знаходзіўся штаб 172-й сталковай дывізіі (камандзір М. Т. Раманаў), якая абараняла горад ад нацыстаў. У 1964 годзе на будынку ўстаноўлена мемарыяльная дошка[1].
.jpg)
.jpg)
- № 16 — будынак пачатку ХХ стагоддзя —
Гісторыка-культурная каштоўнасць Беларусі, шыфр 513Г000035 - № 18 — будынак пачатку ХХ стагоддзя — Гісторыка-культурная каштоўнасць Беларусі, шыфр 513Г000035
- № 20 — 24-кватэрны чатырохпавярховы жылы дом па тыпавым праекце Н. Макляцовай (пабудаваны прыкладна ў 1932—1938 гг.).
- № 31 — 24-кватэрны чатырохпавярховы жылы дом па тыпавым праекце Н. Макляцовай (пабудаваны прыкладна ў 1932—1938 гг.).
Паркі і скверы[правіць | правіць зыходнік]
.jpg)
На большай частцы сваёй даўжыні вуліца ўяўляе сабой бульвар.
Зноскі
- ↑ а б в Менжинского улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.
- ↑ Именные дома Могилева
Літаратура[правіць | правіць зыходнік]
- Менжинского улица // Могилёв. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1990. — 472 с. — ISBN 5-85700-028-9.
Спасылкі[правіць | правіць зыходнік]
На Вікісховішчы ёсць медыяфайлы па тэме Вуліца Мянжынскага (Магілёў)
