Вуліца Русу

Русу Вільнюс
літ.: Rusų gatvė
Агульная інфармацыя
Краіна	Літва
Горад	Вільнюс
Раён	Сянюнія Сянаміесціс
Працягласць	150 м
Ранейшыя назвы	Мітрапаліцкая, Спаская, Прачысценская
Назва ў гонар	рускія
Паштовы індэкс	LT-01125
Медыяфайлы на Вікісховішчы

Вуліца Русу (традыцыйная беларуская назва — Ру́ская ву́ліца; літ.: Rusų gatvė) — вуліца ў цэнтральнай частцы Вільнюса, у Старым Горадзе. Звязвае вуліцы Літарацкую і свой гістарычны працяг (цяпер вуліца Майроніса) да моста ў Зарэчча.

Архітэктурныя дамінанты вуліцы — цэрквы Прачысценская і Спаская (перабудаваная ў жылы дом), помнікі архітэктуры XIV—XIX стагоддзяў.

Гісторыя

Атрымала сваю назву ад Рускага Горада, да якога яна праходзіць. У гістарычных крыніцах упамінаецца як Мітрапаліцкая (ад іншай назвы Рускага Горада — юрыдыкі мітрапалітаў Кіеўскай, галіцкай і ўсяе Русі мітраполіі), Спаская (ад Спаскай царквы) і Прачысценская (ад Прачысценскай царквы).

Да 1-й паловы XX ст. была даўжэйшай і даходзіла да скрыжавання з Зарачанскай вуліцай і моста на Зарэчча. На гэтым працягу гістарычнай трасы (вуліца Майроніса) у наш час апынулася Прачысценская царква, што раней стаяла на самой вуліцы.

4 верасня 2016 года літоўскія ўлады ўрачыста адкрылі шыльду з назвай вуліцы на рускай мове і выявай купалоў-цыбулінаў. З нагоды адкрыцця выступіў расійскі фальклорны ансамбль «Аринушка». У гэты ж дзень невядомыя замазалі шыльду карычневай фарбай.

Галерэя

• Руская вуліца ў мастацтве
• 
  Прачысценская царква паводле інвентару XVII ст.
• 
  Прачысценская царква да 1810
• 
  Прачысценская царква да 1810
• 
  Прачысценская царква, пераробленая ў анатамічную залю
• 
  Прачысценская царква па маскоўскай перабудове, 1870
• 
  Руіны Спаскай царквы, 1870
• 
  Руіны Спаскай царквы, 1874
• 
  Прачысценская царква. Ю. Камараўскас, 1899

Літаратура

• Луцкевіч Л. Вандроўкі па Вільні. — Вільня: Рунь, 1998.— 160 с.: іл. ISBN ISBN 9986-9228-2-8.

Спасылкі

• Віленскі каталог