Віктар Аляксандравіч Манохін

Віктар Аляксандравіч Манохін
Дата нараджэння	23 студзеня 1911(1911-01-23)
Месца нараджэння	Томск, Томская губерня, Расійская імперыя
Дата смерці	26 верасня 1972(1972-09-26) (61 год)
Грамадзянства	СССР
Род войскаў	Народны камісарыят унутраных спраў СССР
Бітвы/войны	Вялікая Айчынная вайна
Узнагароды і званні

Віктар Аляксандравіч Манохін — (23 студзеня 1911, Томск — 26 верасня, 1972) — адзін з кіраўнікоў партыйнага падполля і партызанскага руху ў Вілейскай вобласці.

Біяграфія

З 1932 года працаваў у органах АДПУ і НКУС СССР. Член КПСС з 1941 года. У партызанах з верасня 1941 года: з чэрвеня 1942 года камісар, з лютага 1943 камандзір атрада, у верасні 1943 — ліпені 1944 гадоў камандаваў партызанскай брыгадай імя М. Ф. Гастэлы, адначасова член Ашмянскага РК КП(б)Б. З 1944 года намеснік старшыні Полацкага аблвыканкама, намеснік міністра аўтамабільнага транспарту БССР, начальнік Упраўлення забеспячэння і збыту пры Савеце Міністраў Літоўскай ССР, у 1954—1967 гадах на адміністратыўна-гаспадарчай рабоце.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.