Віленскае беларускае выдавецтва Б. Клецкіна

З пляцоўкі Вікіпедыя
Jump to navigation Jump to search

Віленскае выдавецтва Барыса Клецкіна — прыватнае заходнебеларускае выдавецтва ў міжваеннай Польшчы.

Выдавецтва заснаваў ў Вільні ў 1913 (па іншых звестках у 1911) годзе яўрэй Барыс Клецкін, які атрымаў праз бацькоў багатую спадчыну. Знаходзілася на вул. Малой Стэфанскай, 23 (цяпер Raugyklos g.)[1].

Друкавала кнігі яўрэйскіх пісменнікаў.

Беларускія кнігі пачало друкаваць з 1921 года. За час свайго існавання выдавецтвам было выдадзена 32 кніжкі на беларускай мове[2], (з іх 13 падручнікаў). Гэта другі паказчык пасля Беларускага выдавецкага таварыства (51 кніга). Абодва выдавецтвы каардынавалі сваю дзейнасць дзякуючы Антону Луцкевічу. І пасля заняпаду БВТ, з 1932 года выдавецтва Клецкіна не выдала ніводнай беларускай кнігі.

Зноскі

  1. Па віленскім бруку. Беларускія вуліцы літоўскай сталіцы Віктар Корбут, Поісктураў
  2. Юры Туронак «Мадэрная гісторыя Беларусі», Беларуская кніга ў міжваеннай Польшчы, Вільня, 2008, 2-е выд, с.282